Helstu fjölmiðlar heims hafa þegið himinháa styrki frá einum ríkasta manni heims, Bill Gates. Gates er jafnframt einn af helstu styrktaraðilum Alþjóðaheilbrigðisstofnunarinnar og einn helsti fjármögnunaraðili Covid bóluefnanna.
Stofnunin Bill & Melinda Gates Foundation tók einnig þátt í undirbúningsráðstefnu fyrir kórónuveirufaraldur í október 2019 í New York, nokkrum vikum áður en faraldurinn braust út í Wuhan og verður tímasetningin að teljast sérlega heppileg.
Rannsóknarblaðamenn hafa sundurgreint og safnað saman öllum þeim fjölmiðlum, fjölmiðlastofnunum og samtökum sem hafa fengið styrki frá Bill & Melinda Gates Foundation, samtals um 319 milljónir dollara eða 42 milljarðar íslenskra króna þar af um 170 milljónir, að jafnvirði 22 milljarða króna, til áhrifamikilla meginstraumsmiðla.
Á meðal fjölmiðlanna eru The Guardian (með heilar 13 milljónir dollara eða 1,7 milljarð), BBC, The Daily Telegraph, Financial Times, CNN, Der Spiegel, Le Monde, El Pais og Al-Jazeera. Styrkirnir eru vissulega veittir á ýmsum og mismunandi forsendum, en augljóslega er trúverðugleiki þessara miðla enginn þegar kemur að fréttaumfjöllunum tengdum kóvit og bóluefnum. Það væri a.m.k. mikil óskhyggja að halda að þessi fjárhagstengsl hefði engin áhrif á umfjöllun, efnistök og afstöðu viðkomandi styrkþega. En hér er sem sé komin mjög traust heimild fyrir því að Bill Gates múti heimspressunni.
Hér hafa menn fengið mjög trausta heimild fyrir því að Bill Gates múti heimspressunni.
Í fréttinni er að finna ítarlegan lista yfir mútuþega eins ríkasta manns veraldar.
