Frettin.is fékk ábendingar um að Mæðrastyrksnefnd Reykjavíkur neiti að afgreiða óbólusett fólk með matargjafir og því fólki hafi verið vísað frá. En eins og flestir vita þá úthlutar Mæðrastyrksnefnd til þeirra er mest standa höllum fæti í samfélaginu og eru þar á meðal margar barnafjölskyldur sem þurfa að leita á náðir mæðrastyrksnefndar til að ná endum saman. Mest aðsókn er fyrir jólatímann sem fram undan er.

Blaðamaður hjá fréttinni ákvað að slá á þráðinn til Mæðrastyrksnefndar og fá nánari upplýsingar og náði á Önnu H. Pétursdóttur formann nefndarinnar sem  staðfesti að þetta væri rétt. Konan segir að starfsmenn séu þarna allir í sjálfboðaliðastarfi og þeir vilji sjá til þess að enginn veikist fyrir jólin.

Blaðamaður fréttarinnar benti formanninum þá á að það hafi komið fram víða m.a frá Þórólfi Guðnasyni sóttvarnarlækni og Má Kristjánssyni yfirlækni sóttvarnardeildar að bólusettir smita ekki síður út frá sér og eru því ekkert minna hættulegir en óbólusettir. Formaðurinn gaf lítið fyrir það og sagði að þau ráði þessu sjálf og ítrekaði að óbólusett fólk væri ekki velkomið inn í hús til þeirra og þetta væru reglurnar. Allir þyrftu að sýna bólusetningarskírteini með barkóða. Þegar blaðamaður spurði hvort það flokkaðist ekki sem mismunun, þá svaraði starfsmaðurinn því að hægt væri að henda poka út fyrir en þetta fólk kæmi ekki inn í húsið og fengi ekki afgreiðslu þar.

Þá spurði blaðamaður hvort að allir starfsmenn væru ekki bólusettir og svaraði starfsmaðurinn  því játandi en virðist þó ekki bera mikið traust til bóluefnisins í ljósi þessa.

Þess má geta að fjöldasmit varð nýlega hjá fullbólusettum kór hér á Íslandi og vísindin hafa einnig sannað það samkvæmt rannsóknum að bólusettir smita ekki síður Delta afbrigðinu og eru svokallaðir "super spreaders."

Óhætt er því að segja að hræðsluáróðurinn gagnvart óbólusettum sé farinn að valda miklum skaða í samfélaginu og er nú farinn að bitna á börnum og barnafjölskyldum. Ekki má svo gleyma því að ekki allir geta þegið bólusetningu af ýmsum ástæðum og einnig er það samkvæmt lögum hér á landi val hvers og eins hvort hann þiggi lyfjameðferð eða ekki. Því er ekki hægt að sjá annað en að um alvarlega mismunun sé að ræða og aðskilnaðarstefnan hafi verið tekin upp af hálfu Mæðrastyrksnefndar og þarna sé verið að þrengja enn meira að þeim sem minnst mega sín í samfélaginu.