Þekktur hjartalæknir í Bretlandi, heilsufrömuður, rithöfundur og gestaprófessor, Dr. Aseem Malhotra hefur kallað eftir umfangsmikilli rannsókn vegna mikillar aukningar á hjartaáföllum meðal ungs fólks og ótímabærra andláta heima í heimahúsum eftir að mRNA bóluefnin voru tekin í notkun.

Læknirinn sem starfar í faginu segir að hann og kollegar sínir hafi undanfarið séð mikla aukningu á hjartavandamálum meðal ungs fólks og einnig hjá þeim sem eru með undirliggjandi sjúkdóma. Læknirinn segir að um sé að ræða 25% aukningu á hjartaáföllum, það sé gífurlega há tala og mikið áhyggjuefni sem ekki er hægt að líta fram hjá og verði að rannsaka betur.

Dr. Malhotra segir einnig frá því að vísindamenn sem hafi rannsakað þessa þróun nýlega hafi komist að sömu niðurstöðu en vilja ekki opinbera niðurstöður sínar af ótta við að missa rannsóknarstyrki frá lyfjaiðnaðinum.

Frá því í júlí höfum við verið að horfa upp á 10.000 ótímabær dauðsföll sem ekki tengjast Covid og það hefur verið 30% aukning á andlátum í heimahúsum sem tengjast hjartavandamálum. Læknirinn missti einnig nýlega föður sinn sem dó úr hjartaáfalli heima hjá sér.

Dr. Malhotra segir að nú sé staðan orðin það alvarleg að þetta verði að rannsaka með trúverðugum hætti og glæpsamlegt sé að líta fram hjá málinu. Hjartalæknirinn segir að löggjafar víða um heim verði að taka þessu alvarlega, annars verði þeim ekki fyrirgefið af almenningi og þeir munu komast í sögubækur fyrir aðgerðarleysi. Þetta er mikið áhyggjuefni sem geti endað með skelfingu, segir Dr. Malhotra.

Viðtalið sem tekið var í morgun við hjartalækninn má sjá á Twitter hér að neðan.