Eftir að Pfizer skjölin, sem FDA vildi halda leyndum frá almenningi í 75 ár, voru opinberuð samkvæmt dómsúrskurði, er nú staðfest að 1.223 þáttakendur í rannsókninni og könnun til og með 28. febrúar 2021 létust (fatal cases) á fyrstu 28 dögum eftir að hafa verið sprautaðir með BioNTech Pfizer bóluefninu í rannsóknum lyfjafyrirtækisins. Þrátt fyrir þessar staðreyndir fékk efnið neyðarleyfi (EUA) til notkunar á almenningi.
Ef þið viljið lesa skjölin sjálf, sem eru yfir 80 þúsund bls. þá má sækja þau hér.
Bóluefnið er langt frá því að vera „öruggt og áhrifaríkt,“ það sýna sjálf Pfizer skjölin. BioNTech Pfizer bóluefnið er ef til vill það árangurslausasta og hættulegasta „bóluefnið“ sem komið hefur á markað.
Auk þess að draga til dauða yfir 1.000 manns á tæpum mánuði, leiddu prófanir Pfizer á bóluefni sínu einnig til hundruða mögulegra banvænna aukaverkana, ollu frjósemisvandamálum og sýndu aðeins fram á 12-15 prósent virkni (e. vaccine efficacy) á heildina litið til að koma í veg fyrir sýkingu. Virknin lækkaði síðan í minna en 1 prósent, þrátt fyrir það héldu heilbrigðisyfirvöld því fram að það virknin væri yfir 90 prósent. Það var ekki satt.
Hins vegar ætti þetta ekki að koma á óvart þar sem miðillinn Project Veritas náði upptöku af vísindamanni hjá Pfizer viðurkenna að náttúrulegt ónæmi væri „sennilega betra en bólusetning.”
Eftirfarandi er hluti úr löngum lista yfir aukaverkanir sem fundust í bóluefnaprófunum Pfizer:
Hjartavöðvabólga og önnur alvarleg hjartavandamál, lifrarbilun, blóðstorknun; bráð millivefslungnabólga; fjöldinn allur af sjálfsofnæmissjúkdómum, ýmsir stoðkerfis- og bandvefssjúkdómar, meltingarfærasjúkdómar; sykursýki, herpes sýking, skjaldkirtilssjúkdómar, taugasjúkdómar, þar á meðal MS, blinda, flog, flogaveiki, exem, blöðrur, astmi, frjósemisvandamál, bólgusjúkdómar í þörmum, Crohns sjúkdómur, og Guillain-Barré heilkenni.
Alvarleiki og tíðni aukaverkana eftir sprauturnar var svo mikil að Pfizer þurfti að ráða 600 starfsmenn til viðbótar ofan á 1.800 manna starfslið þeirra til að takast á við verkefnið.
Hvað varðar þungaðar konur, sem CDC fullvissaði um að gætu með öruggum hætti látið bólusetja sig, þá skráði Pfizer fjölda tilvika um fósturlát, sem mörg hver voru af völdum bráðaofnæmis og leiddi til alvarlegra blæðinga, öndunarþyngsla o.fl.
Munið eftir öllum þeim barnshafandi konum sem komu fram á Instagram til að segja sögur sínar af því hvernig þeim byrjaði byrjaði að blæða eftir bólusetningu og misstu síðan fóstrið? Þær voru að segja sannleikann og þær voru svívirtar og kallaðar samsæriskenningasmiðir sem stunduðu upplýsingaóreiðu.
Reyndar framkvæmdi Pfizer eina rannsókn í tengslum við meðgöngu, og það var á 44 rannsóknarrottum.
Kannski er þetta ástæðan fyrir því að breska lyfja- og heilbrigðiseftirlitsstofnunin mælti gegn því barnshafandi konur fengju bóluefnið:
„Það er ekkert eða lítið af gögnum til úr prófunum með COVID-19 mRNA bóluefnið. Rannsóknum á eiturverkunum á æxlun dýra er ekki lokið. Ekki er mælt með COVID-19 mRNA bóluefni BNT162b2 á meðgöngu,“ sagði breska lyfjaeftirlitið.
„Konur á barneignaraldri ættu að forðast þungun áður en þær láta sprauta sig. Auk þess er ráðlagt að konur á barneignaraldri komi í veg fyrir þungun í að minnsta kosti 2 mánuði eftir annan sprautuskammtinn.“
Miðað við allar þær vítaverðu upplýsingar sem koma fram í skjölunum er það engin furða að Pfizer vildi að skjölin yrðu innsigluð í 75 ár og forstjóri Pfizer, Albert Bourla, kallaði bókstaflega þá sem dreifa „röngum upplýsingum“ (þ.e. sannleikanum) um bóluefnið sitt, glæpamenn.
