Í nýlegu viðtalið við The Defender, segja flugmenn frá þeim skaða sem þeir urðu fyrir af COVID-19 bóluefnunum og hvernig þeir voru þvingaðir til að þegja um skaðann sem hlaust og rændi þá starfsferlinum, og í sumum tilfellum lífi þeirra.
Sem atvinnuflugmaður hafði Bob Snow lengi hlakkað til að sjá dóttur sína feta í fótspor sín með því að hjálpa henni að læra að fljúga flugvél.
Hins vegar, eftir að hafa fengið COVID-19 bólusetningu sem hann var tilneyddur að undirgangast,“ þá er sá draumur úr sögunni hjá Snow.
„Ég mun líklega aldrei fljúga aftur,“ sagði Snow í myndbandi þar sem hann fer yfir sögu sína. „Ég var að vonast til að geta kennt dóttur minni að fljúga. Hún vill verða flugmaður. Það mun líklega aldrei gerast, allt vegna þessara bóluefna.“
Snow er einn af vaxandi fjölda flugmanna sem hafa að undanförnu stigið fram til að deila sögum af þeim skaða sem þeir urðu fyrir eftir að hafa fengið COVID-19 bóluefni.
Sumar þessara frásagna eru sláandi og mjög alvarlegar, segir Maureen Steele, lögfræðingur og yfirmaður fjölmiðlasamskipta hjá John Pierce lögmannsstofunni.
Lögmannsstofan fer með mál fyrir U.S. Freedom Flyers (USFF), samtök sem eru andvíg bóluefna-og grímuskyldu fyrir flugmenn og flugfélög, og eru með fjölda málsókna gegn bandarísku alríkisflugmálastofnuninni (FAA) og nokkrum flugfélögum.
Josh Yoder, flugmaður hjá stóru flugfélagi, fyrrverandi hermaður og fluglæknir, er meðstofnandi USFF.
Í nýlegu viðtali við The Defender sagði Yoder að FAA hafi verið meðvitað um tilfelli flugmanna sem hafa orðið fyrir bóluefnaskaða, allt frá því í desember 2021, að minnst kosti, þegar samtökin Advocates for Citizens' Rights í Kaliforníu afhentu opið bréf til FAA, helstu flugfélaga og vátryggjendum þeirra.
Yoder sagði að USFF hafi fengið hundruð símtala frá starfsmönnum flugfélaga sem eru að glíma við aukaverkanir eftir COVID-19 bólusetningar, aðallega tengdar hjartanu.
Að sögn Yoder voru viðvaranirnar í bréfinu, þar á meðal vitnisburður heimsþekktra sérfræðinga algerlega hunsaðar, en bætti við að nú séu þeir farnir að sjá afleiðingarnar.
„Þetta hefur leitt til þess að sífellt fleiri flugmenn eru farnir að stíga fram til að afhjúpa sannleikann varðandi þessar eiturefnasprautur,“ sagði Yoder.
Vitnisburður Cody Flint sem fram fór í þingsal, fylgdu með í opna bréfinu. Flint er flugmaður, fyrrverandi hermaður og fluglæknir, sem á að baki yfir 10.000 flugtíma.
The Defender greindi nýlega frá tilkynningum sem sendar höfðu verið til VAERS, sem er gagnagrunnur um aukaverkanir, þar sem fram kemur að margir flugmenn hafi hlotið alvarlegan skaða í kjölfar COVID-19 bólusetninga.
„FAA hefur þarna kveikt í púðurtunnu,“ sagði Flint í viðtali við The Defender.
„Við erum núna að sjá flugmenn fá blóðtappa, hjartavöðvabólgu, gollurshússbólgu, glíma við svima og sjónvandamál í mjög auknum mæli, nokkuð sem aldrei hefur sést áður. Flugmenn eru að missa störf sín og þurfa að skrá sig veika eða fara í veikindaleyfi vegna læknisfræðilegra mistaka sem komu fram nánast strax eftir bólusetninguna.“
Flugmenn deila sögum um bóluefnaskaða
Nokkrir flugmenn, þar á meðal Bob Snow, deildu sögum sínum með The Defender í nýlegri röð af viðtölum. Snow, flugstjóri hjá stóru bandarísku flugfélagi, sagði frá því að hann hafi fengið Janssen bóluefnið þann 4. nóvember 2021, sem hann var neyddur til að taka, ellegar myndi hann missa starfið.
Samkvæmt Snow fór hann að finna fyrir kvillum rúmum tveimur mánuðum eftir að hafa fengið bóluefnið. Vegna sögu um maga- og garnabólgu fór hann í speglaskoðun og sneiðmyndatöku á kviði. Niðurstöður speglunarinnar voru eðlilegar og Snow beið enn niðurstöðu úr sneiðmyndatöku þegar hann fór í hjartastopp 9. apríl, strax eftir lendingu á Dallas-Forth Worth alþjóðaflugvellinum.
„Ég var mjög heppinn að hafa hnigið niður akkurat þá og þarna, þar sem flugvélinni var lokað við hliðið eftir flug og umönnun strax veitt, segir Snow.
„Þetta var mjög sérstakt, það var nákvæmlega ekkert sem benti til að ég væri að fá hjartaáfall þegar ég hrundi alltí einu niður í flugstjórnarklefanum. Það var bókstaflega eins og einhver hefði ýtt á takka.“
Eftir að hafa verið endurlífgaður með hjartastuðtæki, dvaldi Snow á viku á sjúkrahúsi þar sem hann var greindur með skyndilegt hjartastopp (SCA). En rannsóknir benda til þess að lífslíkur fyrir þannig tilfelli utan sjúkrahúsa eru áætlaðar 10,8% til 11,4%, og því þarf varla að taka það fram að þetta eru ekki miklar líkur og mér finnst ég mjög, mjög heppinn að hafa lifað af. „Hefði þetta gerst á hóteli, í flugi, heima eða nánast hvar sem er, þá hugsa ég að ég væri ekki hér núna,“ segir Snow.
Snow segist ekki hafa átt neina sögu um hjartavanda, og aldrei neitt óeðlilegt komið fram á síðustu 10 árum í heilsufarsskoðun sem flugmenn þurfa að undirgangast árlega.
„Það voru engar vísbendingar um neitt óeðlilegt sem gæti leitt til hjartastopps og ég er ekki með neina fjölskyldusögu um ættgenga hjartasjúkdóma, segir Snow sem er enn að jafna sig og hefur verið heima síðan 15. apríl sl.
Mun líklega aldrei fljúga aftur
Cody Flint var heldur ekki með neina sjúkrasögu að baki sem benti til þess að hann væri í áhættuhópi. „Ég hef verið mjög heilbrigður allt mitt líf og ekki með neina undirliggjandi sjúkdóma,“ segir Flint og bætti við: „sem flugmaður þurfti ég að fara árlega í skoðun til að sýna að ég væri nógu heilbrigður til að stjórna flugvél.“
„Ég hef farið í þessa skoðun á hverju ári síðan ég var 17 ára. Síðasta skoðunin sem ég fór í var 19. janúar 2021. Hún sýndi að ég væri fullkomlega heilbrigður, aðeins 10 dögum áður en ég fékk COVID-19 bóluefnið,“ segir Flint.
Flint fékk sinn fyrsta (og eina) skammt af Pfizer COVID-19 bóluefninu 1. febrúar 2021.
„Á innan við 30 mínútum fékk ég mikinn og brennandi höfuðverk við höfuðkúpuna og þokukennda sjón. Eftir nokkrar klukkustundir var verkurinn stöðugur, en virtist ekki versna. Ég hélt að sársaukinn myndi hverfa á endanum, en hann gerði það ekki.“
„Tveimur dögum síðar hóf ég árstíðabundið flug í landbúnaði, sem er venjulega frá febrúar til október ár hvert,“ sagði Flint.
„Eftir um það bil klukkutíma í flugi fann ég hvernig mér fór að versna hratt og ég upplifði alvarlegar sjóntruflanir. Ég hækkaði flugið til að snúa aftur heim og fann strax mikinn þrýsting í höfuðkúpunni og í eyrunum.“
Flint íhugaði í byrjun að lenda á nærliggjandi þjóðvegi, óviss um að hann kæmist aftur á flugvöllinn, en kaus að gera það ekki til að stofna ekki almenningi í hættu.
„Það síðasta sem ég man eftir er að sjá flugbrautina í nokkurra kílómetra fjarlægð og bað til Guðs um að ég myndi ná að lenda. Síðar sögðu vinnufélagar mínir mér að þegar ég lenti og þegar flugvélin stöðvaðist hafi ég verið mállaus og skjálfandi og hafi hnigið niður í sætinu … ég man ekki eftir að hafa lent eða verið dreginn út úr flugvélinni, segir Flint.
Flint sagði að ýmsir læknar, þar á meðal hans heimilislæknir til margra ára, vildu ekki tengja nýafstaðinna COVID-19 bólusetningu við þessi einkenni. Þess í stað var honum ávísað Meclizine við svima og Xanax við kvíðaköstum.
Samkvæmt Flint sögðu læknar honum að hann myndi „ná sér alveg innan tveggja daga.“ En tveimur dögum síðar gat Flint varla gengið án þess að detta.
Flint fór síðan á stofnunina Ear & Balance Institute í Louisiana, þar sem hann greindist með leka báðum megin í innra eyra (perilymphatic fistulas) og mjög hækkaðan innankúpuþrýsting vegna bólgu í heilastofni.
Eins og Flint lýsti því, „innankúpuþrýstingur hafði hækkað svo mikið að hann olli því að innra eyrað, báðum megin „bólgnaði.“ Læknar sögðu honum að þetta stafaði venjulega af alvarlegum höfuðáverka.
„Auðvitað var ég ekki með höfuðáverka,“ sagði Flint. „Ég hafði hins vegar fengið ósamþykkt tilraunabóluefni, aðeins tveimur dögum áður en ég varð fyrir þessum skaða.“
„Læknarnir mínir [hjá Ear & Balance Institute] sögðu að kvillarnir væru augljóslega bein afleiðing af alvarlegri aukaverkun af Pfizer COVID-19 bóluefninu,“bætti hann við. Flint segist nú ekki geta fengið læknisvottorð sitt frá FAA endurnýjað vegna skaðans sem hann hlaut, og mun hann þurfa að nota lyfið Diamox um ófyrirsjáanlega framtíð.
Flint telur rétt eins og Snow „það vera... mjög ólíklegt að hann geti nokkurn tíma flogið aftur,“ og bætir við: „Flesta daga er ég með það mikinn svima að ég á erfitt með að keyra bíl.
Greg Pierson, hafði svipaða sögu að segja. Hann var atvinnuflugmaður hjá stóru bandarísku flugfélagi og var, rétt eins og hinir, neyddur til að fara í bólusetningu, vildi hann halda starfinu.
Pierson sagði við The Defender:
„Ég fann fyrir miklum þrýstingi til að fara í bólusetningu, jafnvel þó að ég sé mjög móti öllum þvingunum sem brjóta í bága við persónufrelsi.“
„Ég gerði rannsóknir og ráðfærði mig við nokkra lækna varðandi mögulega áhættu.“
„Ég hef aldrei fengið flensusprautu á ævinni, þannig að þetta var ekki eitthvað sem ég vildi gera. Ég fór þrátt fyrir það og fékk fyrsta skammtinn af Pfizer bóluefninu 26. ágúst 2021.
Hjá Pierson komu einkennin nánast strax fram, eða um 14 klukkustundum eftir bólusetningu, sem voru óreglulegur og ör hjartsláttur.
Pierson fór á bráðamóttöku þar sem hann greindist með gáttatif. Hann jafnaði sig og var fljótlega útskrifaður, og fékk lyf til hjálpa hjartanu við að ná eðlilegum takti á ný.
Þó Pierson segist ekki hafa fengið fleiri einkenni, hefur hann samt ekki fengið leyfi til að fljúga á ný.
„Ég hef verið á örorku síðan þetta gerðist og fæ ekki flugleyfið aftur, þannig að fjárhagslegar afleiðingar hafa verið svakalegar fyrir okkur fjölskylduna og skilningsleysið innan heilbrigiðisstofnanna er gríðarlegt,“ sagði Pierson.
Fleiri sögur má lesa hér þar sem ekkja lýsir t.d síðustu dögum eiginmanns hennar sem var ekki svo heppinn að lifa af eftir að fá alvarlegt flogakast, blóðtappa og lamaðist hægra megin eftir að hafa fengið bóluefnið.
