Dr. Peters Chambers ofursti og bardagalæknir í bandaríska hernum hefur sagt frá því hvernig læknum í hernum hefur verið fyrirskipað að skrá ekki bóluefnaskaða hermanna vegna Covid-19 tilraunabóluefnanna í opinbera gagnagrunna.
„Þeir líta annað hvort í hina áttina eða segja bara: „Jæja, ég get ekki gert það. Þetta er ekki til staðar“ sagði Chambers, ofursti í Green Beret sérsveit bandaríska hersins og bardagalæknir.
Chambers lét þessi ummæli falla á níundu netráðstefnu Truth For Health Foundation, þar sem kynnt var nýtt alþjóðlegt skráningarkerfi stofnunarinnar fyrir almenning fyrir aukaverkanir af völdum COVID-19 tilraunabóluefnanna.
Hér er hægt að skrá aukaverkanir í nýja CVIRS grunninn.
Bóluefnaskaði Dr. Chambers sjálfs
Dr. Chambers, sem hefur þjónað í hernum í 39 ár, fékk Moderna tilraunabóluefnið í janúar 2021, og var honum ókunnugt um hugsanlegar aukaverkanir. Í dag lítur hann hins vegar á sig sem talsmann „bóluefnaskaddaðra“ vegna aukaverkana sem hann upplifði eftir sprautuna.
Hann þróaði fljótt með sér „heilaþoku“ af því tagi sem hann hafði ekki upplifað, jafnvel ekki þegar hann varð fyrir áhrifum sprenginga frá eldflaugum í bardaga og varð fyrir sjónskerðingu.
Eftir að hafa upplifað svima og ógleði, sem olli því að hann ók á vörubíl þegar hann kom til baka úr nætureftirliti, greindist Dr. Chambers með sjúkdóm sem hefur áhrif á taugavef.
Læknum hersins „sagt að skrá ekki“ aukaverkanir í gagnagrunn
Hann sagði frá því hvernig hann hefði séð fjölda hermanna fá svipaðar aukaverkanir af sprautunum, ásamt sex hermönnum sem enduðu á gjörgæsludeild auk þess sem einn hermaður var neyddur til fara í seinni sprautu þrátt fyrir að hafa fengið blóðtappa eftir fyrstu sprautuna.
Dr. Chambers tók niður upplýsingar frá þessu hermönnum og færði þær inn í tilkynningakerfi Sóttvarnastofnunar Bandaríkjanna (CDC) um aukaverkanir vegna bóluefna (VAERS). Hins vegar upplýsti hann að læknum hersins væri fyrirskipað að skrá ekki aukaverkanir inn í VAERS gagnagrunninn.
Var rekinn fyrir að upplýsa hermenn um mögulegar aukaverkanir
Í starfi sínum sem læknir í "Operation Lone Star" sem varðar gæslu á landamærum Texas og Mexíkó fór hann að taka eftir bóluefnaskaða hjá hermönnum sem hann annaðist. Þegar hann upplýsti yfirmenn sína um þetta var ekki hlustað á hann.
Í framhaldi af þessu byrjaði Dr. Chambers að veita hermönnum ráðgjöf áður en þeir létu bólusetja sig með tilraunabóluefnunum. Þá fór hann fram á við þá að þeir gæfu upplýst samþykki fyrir tilraunabólusetningu.
Vegna þessara virðingarverðu vinnubragða Dr. Chambers létu aðeins sex af 3000 hermönnum bólusetja sig með tilraunabóluefnunum.
Þessi vinnubrögð Dr. Chambers ollu mikilli óánægju hjá yfirboðurum hans sem tóku á það ráð að reka Dr. Chambers úr starfi.
Fyrstur til að skrá aukaverkanir í CVIRS kerfið
Eftir að hafa mætt harðri andstöðu við því að skrá aukaverkanir hermannanna vegna tilraunabóluefnanna inn í VAERS gagnagrunninn, fagnaði Dr. Chambers nýja aukaverkanakerfinu frá Truth for Health Foundation - Citizens Vaccine Injury Reporting System (CVIRS).
„Ef opinbera kerfið sem við höfum núna virkar ekki, þá verðum við fólkið að útvega eitthvað, því við verðum áfram að geta sinnt fólki“ sagði hann.
Læknar „geta ekki bara hætt“ bætti hann við. „Ekki er allt COVID að kenna."
Chambers var fyrsti maðurinn til að nota og skrá eigin bóluefnisskaða í nýja kerfi stofnunarinnar. Kerfið er hannað til að vera notendavænt og hægt að klára skráninguna á innan við 20 mínútum.
