Margrét Ósk Guðbergsdóttir er 37 ára þroskaþjálfi og þriggja barna móðir. Hún fékk Astra Zeneca bóluefnið 17. febrúar 2021. Það mætti segja að hún hafi fengið allar heimsins aukaverkanir sem mögulega er hægt að fá eftir eina bóluefnasprautu. Hún var áður í toppformi, fór reglulega í líkamsrækt, hugsaði vel um heilsuna og var nánast aldrei lasin. Læknar ráðlögðu henni að fara ekki í síðari sprautuna.
„Ég fann um leið og ég var sprautuð fyrir stirðleika upp í háls og höfuð og varð strax fárveik um kvöldið, fékk 40 stiga hita og lá í móki í tvo sólarhringa. Ég þurfti að skríða fram úr rúminu til að sækja verkjatöflur. Þetta kom mér svo á óvart, ég hef oft fengið flensusprautur, aðallega út af vinnunni, en hef aldrei orðið veik af þeim og er manneskja sem varð aldrei veik, fyrr en nú,“ sagði Margrét í samtali við Fréttina í janúar sl.
Í dag, 15 mánuðum síðar, hrakar heilsu hennar enn. Hún reyndi lengi vel að gera lítið úr veikindunum „enda þýðir ekkert að velta sér upp úr því sem ekki er hægt að breyta,“ segir Margrét Ósk. En í stað þess að henni batni, heldur henni áfram að versna og segist grípa allar pestir og vera stanslaust lasin, og oft mikið veik.
„Hjartabilun algeng hjá ungu fólki eftir bólusetningar“
Á síðustu tveimur mánuðum hefur Margrét farið í um 30 rannsóknir og læknatíma og hefur loks fengið einhverjar niðurstöður sem útskýra margar af aukaverkununum. Hún segist glíma við mikla mæði, hafi misst allt þol, sé með brjóstverki, þyngsli á bringu, bláar varir, máttleysi, útbrot, rafstrauma í höndum og fótum, alls konar gigt og máttleysi í höndum þannig að hún missi hluti úr höndunum daglega, svo eitthvað sé nefnt.
„En það alvarlegasta sem gerst hefur, segir Margrét, „er að ég missti um daginn máttinn fyrir neðan háls í um 10 - 15 mínútur og hef misst þvag og hægðir án þess að finna fyrir því, sem er alveg hræðileg tilfinning.
Það sem hefur komið í ljós er að hún hefur verið með sýkingar nánast stanslaust eftir þessa einu sprautu sem hefur leitt til hjartabilunar. „Auðvitað er hræðilegt að heyra þetta, sagði Margrét, „en eins og konan í tölvusneiðmyndatökunni sagði: „þú átt ekkert að vera með hjartabilun 37 ára, það er fyrir 65 ára og eldri en því miður er þetta alltof algengt eftir sprauturnar hjá ungu, hraustu fólki,“ sagði konan við hana.
„Þau virðast samt ekki átta sig á þessum sýkingum og ónæmisbælingu,“ sagði Margrét líka. ,,En það sem skiptir mestu máli er að ég er loksins komin með mjög gott læknateymi og mögulega þarf aðgerð eða lyf,“ bætti hún við.
„En það eina sem ég get gert sjálf er að reyna að heila mig. Ég er à mjög góðu mataræði sem inniheldur mest ávexti, grænmeti og hreina fæðu og drekk mikið vatn.“
Margrét segist oft hugsa að ef „hún væri ekki hún,“ þá væri hún að öllum líkindum orðin öryrki eða sjúklingur í innlögn. Og hún segist auðvitað stundum vera hrædd, því „hvað verður um börnin mín þrjú ef eitthvað kemur fyrir mig? En ég leyfi mér ekki að dvelja í kvíðanum því það gerir ekkert gagn.“
Missti föður sinn stuttu eftir örvunarbólusetningu
Margrét missti föður sinn rétt fyrir jólin, stuttu eftir að hann fékk örvunarskammt af Covid bóluefni. Hann fékk fljótlega í lungun og var lasinn í margar vikur eftir fyrstu tvær sprauturnar „Ónæmiskerfið hans var bælt og virtist ekki hafa þolað örvunarsprautuna. Hann fékk blóðtappa í lungu og fótinn, 40 stiga hita og þrjár tegundir sýkinga. Líffærin byrjuðu svo að gefa sig hvert á fætur öðru.“ Hann lést á gjörgæsludeild Landspítalans 10. desember sl., 74 ára gamall.
Helstu fjölmiðlar sögðu hann hafa látist af Covid enda skráir heilbrigðiskerfið það sem Covid andlát.
Ætlar að sækja skaðabætur
Í samtali við Fréttina, sem spurði Margréti Ósk hvort hún ætli sér að sækja skaðabætur frá ríkinu sbr. lög sem voru sett um það leyti og Covid bólusetningar hófust, svaraði hún því játandi en þyrfti tíma og orku til þess að hefja það ferli.
En Margrét Ósk er þrátt fyrir allt bjartsýn og segir markmiðið vera að ná heilsu á ný og vera orðin lyfja-og verkjalaus þegar hún verður fertug.
Margrét Ósk skrifaði pistil á facebook sem má lesa hér neðar.
Fréttin vill segja sögur af fólki sem glímir við aukaverkanir eftir Covid bólusetningar þar sem mikil þöggun ríkir um málið, [email protected]
