„Við skildum ekki að það væri frekar lág dánartíðni og að þetta væri sjúkdómur aðallega  meðal þeirra öldruðu, eins og flensa.“ (Bill Gates)

Milljarðamæringurinn Bill Gates og stofnandi Bill & Melinda Gates Foundation sagði í viðtali sl. fimmtudag að hann skildi nú að COVID hefði „nokkuð lága“ dánartíðni og væri svipuð og flensa.

„Það var ekki fyrr en í byrjun febrúar, þegar ég var á fundi, sem sérfræðingar stofnunarinnar sögðu að „það væri engin leið“ [að hefta COVID ].

„Á þeim tímapunkti höfðum við ekki skilning á því hver dánartíðnin væri í raun og veru. Við vissum ekki að það væri frekar lág dánartíðni og að þetta væri sjúkdómur aðallega meðal eldra fólks, svona eins og flensa, en þó svolítið öðruvísi .“

Bill Gates er stofnandi Bill & Melinda Gates Foundation sem síðar kom á fót alþjóðlega bóluefnabandalaginu GAVI og er eitt af aðalstjórnendum COVAX, ásamt WHO, UNICEF og CEPI. COVAX gegnir því hlutverki að dreifa Covid bóluefnum „með sanngjörnum“ hætti um heimsbyggðina, ásamt því að hraða framleiðslu bóluefnanna.

Bill & Melinda Gates Foundation var næst stærsti styrktaraðili WHO á tímabilinu 2020-2021 og GAVI Alliance í sjötta sæti. Samanlagt var fjárframlag þessara tveggja stofnana rétt undir framlagi Þýskalands sem er í fyrsta sæti. Bandaríkin voru í þriðja sæti.

Hér má heyra Bill Gates segja það sem einhverjir hafa haldið fram frá upphafi, að COVID væri svipuð og flensa. Gates nefndi ekki hvort óþarft hefði því verið að gefa börnum, þunguðum konum, ungu og hraustu fólki, áhættusamt líftæknilyf í milljóna skömmtum eða hvort nauðsynlegt hefði verið loka fólk inni, taka börn úr skólum, halda þeim fá hvert öðru, skylda þau og aðra til að bera grímur, þvinga fólk til að velja á milli starfs eða sprautu, o.s.frv.