Jules Serkin er útvarpskona hjá fréttastöðinni BBC í Bretlandi. Hún fékk AstraZeneca bóluefnið í mars 2021 og hlaut taugaskaða í augum, hefur glímt við lömun í andliti og fleira síðan þá.

Í kjölfarið stofnaði hún stuðningshóp fyrir þá sem hafa skaðast af Covid-bóluefnunum og segir að lýsingar og einkenni fórnarlamba séu öll svipuð; taugaskaði á heyrn og sjón, blæðingavandamál hjá konum og fólk sé að „detta niður eins og dauðar flugur.“

Hún var í meðfylgjandi viðtali spurð að því hvort hún væri vonsvikin með fjölmiðlana þar sem söguþráðurinn væri í aðalatriðum:  „Covid er ógnin og allir eiga að fá bóluefni, meira að segja „þessi 18 ára stúlka sem lést í Manchester.“

Serkin játaði því og sagðist hafa heyrt þáttastjórnendur stöðva umræðu fólks sem hefði aðra sögu að segja, hina hliðina, „okkar hlið,“ og sagði að fjölmiðlum hafi verið sagt að þegja [um hina hliðina], annað gæti bara ekki verið.

Í þessu sambandi mætti nefna að þegar fyrrum enska fótboltastjarnan Trevor Sinclair spurði í nóvember sl. á talkSport í beinni útsendingu hvort Sheffield United leikmaðurinn Fleck hafi hnigið niður á vellinum vegna Covid bóluefnanna, þá var slökkt á útsendingunni.

Jules Serkin sagði líka að hún hafi reynt að vera í sambandi við Astra Zeneca í Bretlandi en gefist upp: „þeim er alveg sama,“ sagði hún.

Serkin segir líka frá því að svo virðist sem lotunúmer bóluefnanna, PV46671, sem hún hafi fengið og dreift var víða um Bretland, hafi verið sérstaklega slæmt. Þeir sem hafi fengið bóluefni úr sama lotunúmeri hafi lýst mjög svipuðum aukaverkunum, og tveir þeirra sem hún viti af, hafi látist. Hér má hlusta á hana segja frá þessu og að fólk sé almennt ekki að tilkynna alvarlegar aukverkanir til yfirvalda.

Hinn hluti viðtalsins við Jules Serkin er hér: