Landlæknisembættið sendi í gær frá sér leiðréttingu á andlátstölum vegna COVID-19. Á síðunni Covid.is sem er í umsjón embætti Landlæknis og Almannavarnadeildar Ríkislögreglustjóra segir að dauðsföll vegna Covid frá upphafi séu alls 120.

Eftir yfirferð dánarvottorða hjá embætti landlæknis hefur komið í ljós að samtals hafi orðið 153 andlát á Íslandi vegna COVID-19 frá upphafi faraldurs til 1. apríl 2022. Þetta eru andlát þar sem COVID-19 hefur greinst innan 28 daga fyrir andlátið og valdið dauða viðkomandi skv. dánarvottorði, segir í tilkynningu frá landlækni.

Landlæknir virðist gefa sér að öll umfram andlát séu vegna Covid:

„Eins og áður hefur komið fram er áreiðanlegasta aðferðin til að meta fjölda andláta á tímum COVID-19 sennilega að skoða svokölluð umframdauðsföll en þá er fjöldi dauðsfalla af öllum orsökum borinn saman við meðalfjölda andláta undanfarinna ára,“ segir í fréttinni.

Covid dauðsföll aukast eftir bólusetningu

Í tilkynningu dags. 28. apríl sl. frá sóttvarnalækni segir að andlát vegna Covid fyrir árið 2020 séu 29 en 8 fyrir árið 2021 og miðað við uppfærslu eru þá 116 Covid andlát árið 2022, alls 153.

Langflest Covid andlátin eiga sér því stað eftir að yfir 90% 60 ára og eldri hafa fengið tvær sprautur og á bilinu 80-85% í þeim hópi fengið þrjár sprautur.

Ljóst er því að bóluefnin sem áttu að stöðva faraldurinn koma hvorki í veg fyrir útbreiðslu smita né í veg fyrir andlát. Andlát af völdum Covid eru margfalt fleiri eftir að bólusetningar hófust.

Á árinu 2021 eru skráð 8 Covid andlát samkvæmt landlækni en á fyrstu 7 mánuðum (32 vikum) þess árs voru samkvæmt tölum Hagstofunnar 66 umframdauðsföll miðað við meðaltal áranna 2017-2020.

Á síðu Lyfjastofnunar kemur fram að 36 andlát hafi verið tilkynnt þar sem grunur liggur á að bóluefnin hafi orsakað dauða. Eru þau dauðsföll skráð á undirliggjandi sjúkdóma, elli eða jafnvel Covid?

Fréttin óskaði fyrir nokkrum vikum eftir gögnum um bólusetningastöðu þeirra sem hafa látist af völdum Covid, og eftir nokkra bið, kom loks svar frá landlæknisembættinu sem sagði: „Sóttvarnasvið hefur ekki nógu ítarlegar upplýsingar að svo stöddu til að svara bólusetningarstöðu látinna.“

Andvana fæðingar og nýburadauði eykst um 80%

Á síðasta ári var 80% aukning á andvana fæddum börnum og nýburadauða og 100% aukning á dánum innan eins árs aldurs. Ekkert dauðsfall nýbura eða eins árs og yngri  hefur verið rakið til Covid samkvæmt opinberum gögnum. Á hvað skrifast umframandlátin?