Í mars 2021 fór NTI (National Threat Initiative) í samstarf við öryggisráðstefnuna í München til að æfa hvernig ætti að draga úr háalvarlegri hættu í tengslum við lífefnarannsóknir. Skýrslan fjallaði sérstaklega um monkeypox faraldur (apabólu).

Þessari æfingu má bæta við langan lista af öðrum heimsfaraldursæfingum, svo sem æfingu fyrir kórónuveirufaldur sem fór fram í New York haustið 2019, nokkru vikum áður en kórónuveirufaraldurinn hófst í Wuhan, Kína.

Fjórar heimsfaraldurshæfingar hafa verið haldnar á síðustu tuttugu árum, t.d. Operation Dark Winter, Atlantic Storm, Clade X og hin fræga Event 201 (ofangreind kórónufaraldursæfing haustið 2019).

Síðan er það æfingin "Strengthening Global Systems to Prevent and Response to High-Consequence Biological Threats" (Styrking alþjóðlegra kerfa til að koma í veg fyrir og bregðast við alvarlegri lífefnahættu). Samtökin Open Philanthropy fjármagnaði skýrsluna. Einn helsti fjármögnunaraðili samtakanna er Dustin Moscovitz sem stofnaði Facebook ásamt Mark Zuckerberg.

Mikilvægt er að kafa dýpra til að sjá hvernig þræðirnir tengjast. Skýrslan var samstarfsverkefni NTI (The Nuclear Threat Initiative) og öryggisráðstefnunnar í München. Öryggisráðstefnan í München hefur fengið styrk upp á 1,2 milljónir dala frá The Bill & Melinda Gates Foundation.

NTI hefur einnig fengið 3,5 milljónir dala frá The Bill & Melinda Gates Foundation í nafni bóluefnaþróunar.

Þann 20. september 2017 stóðu NTI og World Economic Forum (WEF) fyrir hringborðsumræðum um núverandi hættu á alvarlegum (lífefna) faraldri (e. biological threat), sem tækniframfarir í tengslum við Fjórðu Iðnbyltinguna gætu skapað.

Þremur árum síðar, í janúar 2020, gáfu NTI og World Economic Forum út skýrslu sem heitir "Biosecurity Innovation and Risk Reduction: A Global Framework for Accessible, Safe and Secure DNA Synthesis.“ (Nýsköpun í lífefnaöryggismálum og áhættuminnkun: Alheimsrammi fyrir aðgengilega og örugga DNA myndun).

Í fréttatilkynningu World Economic Forum sem segir:

„Hraðar framfarir í DNA-myndunartækni sem nú er til staðar og er t.d. notuð í að búa til genaraðir, tilbúnar til klínískrar greiningar og meðferðar – hafa í för með sér vaxandi ógn, sem getur valdið skelfilegri hættu ef misnotuð fyrir slysni eða vísvitandi.“

Nú þegar vitað er hver fjármagnar þessar skýrslur er vert að skoða 2021 skýrsluna sjálfa, sem spáði fyrir um Monkeypox faraldur sem átti að hefjast 15. maí 2022. Á bls. 6 í 36 blaðsíðna bæklingi segir:

„Atburðarás æfingarinnar er heimsfaraldur sökum óvenjulegs afbrigðis af apabóluveiru sem kom upp í ímynduðu landi, "Brinia," og dreifðist um allan heim á 18 mánuðum. Í lok æfingarinnar var sviðsmyndin sú að faraldurinn væri afleiðing hryðjuverkaárásar þar sem notaður var sýkill sem hafði verið framleiddur á rannsóknarstofu sem var með ófullnægjandi öryggisstaðla og veikt eftirlitskerfi. Í lok æfingarinnar leiddi hinn ímyndaði faraldur til meira en þriggja milljarða sýkinga og 270 milljóna dauðsfalla um allan heim.“

Umræður meðal þátttakenda í æfingunni leiddu síðan meðal annars til þessarar niðurstöðu:

• Veikt alþjóðlegt eftirlits-og matskerfi og viðvörunarbúnaður í tengslum við heimsfaraldursógn
• Ófullnægjandi stjórnun og eftirlit með lífefnarannsóknum
• Ófullnægjandi fjármögnun á alþjóðlegum viðbúnaði vegna heimsfaraldurs

Til að bregðast við þessum þáttum ráðlögðu höfundar heimsfaraldursæfingarinnar meðal annars:

Styrkja alþjóðleg kerfi til að geta metið hættuna á heimsfaraldri, viðvörunum og rannsóknum á uppruna faraldurs og koma á fót alþjóðlegri stofnun sem hefur það markmið að draga úr áhættu sem hraðar tækniframfarir geta falið í sér.

Það sem er sérstaklega áhugavert við þessar ráðleggingar er hlutverk Sameinuðu þjóðanna, Alþjóðaheilbrigðisstofnunarinnar (WHO) og bankastofnana (kemur allt fram í skýrslunni).

Það lítur út fyrir að umrædd æfing tengist heimsfaraldurssáttmála Alþjóðaheilbrigðisstofnunarinnar sem er til umræðu á Alþjóðaheilbrigðisþinginu 22.-28. maí næstkomandi.

Einnig er áhugavert að fundur World Economic Forum (WEF) 2022 fari sömuleiðis fram dagana 22.- 26. maí.

En er það tilviljun að þátttakendur í æfingu á ímynduðum faraldri séu þeir sömu og í Event 201 (æfingu fyrir kórónuveirufaralaldur, haldin  í New York haustið 2019, stuttu áður en Covid hófst í Kína)? Hér eru nokkrir af „leikendunum“ í æfingunni, sjá bls. 9.

Dr. Michael Ryan, framkvæmdastjóri hjá WHO

Dr. Ruxandra Draghia-Akli, framkvæmdastjóri hjá Johnson & Johnson - á þróunarsviði Janssen (munið lélegasta bóluefnið!)

Dr. Chris Elias, framkvæmdarstjóri hjá Bill & Melinda Gates Foundation

Sir Jeremy Farrar, framkvæmdarstjóri hjá Wellcome Trust

Áhugverðast af öllu er þó dagsetningin í skjalinu þar sem spáð er að Monkeypox faraldur myndi brjótast út 15. maí 2022 (sjá bls. 10).

Álíka eftirtektarverð er æfingin Event 201 sem hægt er að skoða á vef John Hopkins Health Center þar sem þátttakendur voru að æfa sig fyrir kórónuveirufaraldur nokkrum vikum áður en COVID-19 hófst í Wuhan. Þar var t.d. fjallað um hlutverk fjölmiðla og samfélagsmiðla, hvernig þeir yrðu að koma í veg fyrir „upplýsingaóreiðu“ og falsfréttir í tengslum við faraldurinn, sem var rétt handan við hornið.

Um það leyti sem COVID-19  braust út í Kína hófu samfélgasmiðlar að „leiðrétta“ notendur í tengslum við COVID-19 faraldurinn og beindu þeim á „COVID-19 upplýsingamiðstöð“ til að fá hinar „einu sönnu upplýsingar.“

Heimild & Heimild.