The Telegraph segir frá því að AstraZeneca bóluefnið geti aukið hættuna á taugasjúkdómnum, Guillain-Barré (GBS), þar sem adenóveiru ferjan í bóluefninu er hugsanlegur sökudólgur, og telja vísindamenn að það sama gæti einnig átt við um sambærileg bóluefni.

Guillain-Barré er sjaldgæfur en alvarlegur bólgusjúkdómur þar sem ónæmiskerfið ræðst á eigið úttaugakerfi, þ.e. taugarnar utan heila og mænu.

Það stafar venjulega af maga- og garna bakteríunni Campylobacter, sem er með yfirborðshúð og örlítið mannlegt útlit og getur því stundum ýtt undir að líkaminn ráðist á eigin taugar í stað þess að ráðast inn í sýkla, sem getur leitt til GBS.

Nú hafa vísindamenn við University College London (UCL) fundið aukningu á tilfellum GBS á fyrstu tveimur til fjórum vikum eftir AstraZeneca bólusetningu, en ekki með öðrum bóluefnum.

Eins og mörg bóluefni, er notuð veikluð simpansa adenóveira í AstraZeneca til að flytja broddpróteinin inn í líkamann og vísindamenn hafa getið sér til um að viðbrögð við adenóveirunni geti verið orsökin fyrir aukningu GBS tilfella. (Pfizer og Moderna notast við mRNA tækni og eru ekki með veiklaða veiru).

Dr. Michael Lunn (UCL Queen Square Institute of Neurology) sagði: „Í augnablikinu vitum við ekki hvers vegna bóluefnin get valdið þessari litlu aukningu á GBS.“

Janssen bóluefnið og Guillain-Barré

Nýlega var einnig birt rannókn sem unnin var upp úr eftirlitsgögnum frá  Vaccine Safety Datalink sem sýndi aukningu á Guillain-Barré sjúkdómnum eftir Janssen bólusetningar.

Tilkynntar aukaverkanir á Íslandi

Hjá Lyfjastofnun er ekki hægt að sjá hvers konar aukaverkanir hafa verið tilkynntar til stofnunarinnar vegna Covid-19 bóluefna og ekki heldur hvert bóluefnið er.

Aftur á móti er tafla á síðu stofnunarinnar með sundurliðun sem send er til Lyfjastofnunar Evrópu þar sem kemur fram að 1414 tilkynningar tengdar taugakerfinu hafi borist eftir Covid-19 bólusetningar.

Í ágúst á síðasta ári sagði 19 ára kona frá því að hún hafi lamast fyrir neðan mitti eftir Moderna bólusetningu. Stuttu síðar kom fram í fjölmiðlum að Lyfjastofnun hafi borist átta tilkynningar um lömun eða skerta hreyfigetu eftir Covid bólusetningar.

Samkvæmt áreiðanlegum heimildum Fréttarinnar liggur fleiri en eitt barn með lömun inni á Barnaspítala Hringsins.