Áttföld umframdauðsföll meðal barna í Evrópu eftir að byrjað var að sprauta

thordis@frettin.isErlent2 Comments

Opinberar tölur um dánartíðni í Evrópu sýna að 691% aukning hefur orðið á umframdauðsföllum meðal barna síðan Lyfjastofnun Evrópu útvíkkaði neyðarnotkunarleyfi Pfizer Covid-19 „bóluefnisins“ til notkunar hjá börnum á aldrinum 12 til 15 ára í maí 2021.

Fyrir þessa ákvörðun Lyfjastofnunar Evrópu voru dauðsföll meðal barna árið 2021 undir hefðbundnu hlutfalli. Eftir útvíkkun neyðarnotkunarleyfisins í maí 2021 jukust umframdauðsföll barna til loka ársins um 1599% miðað við meðaltal áranna 2017 til 2020.

Þessi þróun hefur haldið áfram á þessu ári. Opinber tölur sýna að 381% aukning hefur orðið á umframdauðsföllum meðal barna það sem af er ársins 2022, samanborið við meðaltal áranna 2018 til 2021.


Tölurnar eru fengnar frá EuroMOMO sem fylgist með dánartíðni. Opinberar landstölur um dánartíðni eru veittar vikulega frá 29 Evrópulöndum eða undirlandssvæðum sem eru í EuroMOMO samstarfinu.

Eftirfarandi línurit sýnir vikuleg umfram dauðsföll á árunum 2020 og 2021 meðal barna á aldrinum 0 til 14 ára í Evrópu.

Dauðsföll barna aukast gríðarlega frá viku 22 ársins 2021

Eins og sjá má af ofangreindu línuriti voru dauðsföll meðal barna allt árið 2020 almennt undir hefðbundnum fjölda dauðsfalla. Þessi þróun hélt áfram allt árið 2021 allt fram að viku 22, en eftir það voru mikil umframdauðsföll skráð í hverri viku ársins fram að áramótum.

Það sem er athyglisvert við þessi umframdauðsföll frá viku 22 árið 2021 er að það tímamark fellur saman við vikuna sem Lyfjastofnun Evrópu (EMA) útvíkkaði neyðarnotkunarleyfið á COVID-19 „bóluefninu“ frá Pfizer svo það mætti nota fyrir börn á aldrinum 12 til 15 ára.


Aðeins nokkrum mánuðum síðar veitti EMA einnig neyðarleyfi fyrir notkun Pfizer „bóluefnisins“ til að gefa börnum allt niður í 5 ára.

Eftirfarandi línurit sýnir uppsafnaðan heildarfjölda umframdauðsfalla árin 2020 og 2021 frá viku 22 þessara ára.

Það var í viku 22 árið 2021 sem Covid-19 „bóluefnið“ var samþykkt fyrir börn. Eins og bláa línar sýnir jukust umframdauðsföll barna strax í framhaldinu. Voru skráð umframdauðsföll frá þessu tímamarki út árið 2021 alls 1.015. Hins vegar árið á undan 2020, þegar engin C-19 „bóluefni“ voru komin í notkun voru skráð 491 færri dauðsföll en búist var við frá viku 22 og út árið. Myndin hér neðar sýnir vikuleg umfram dauðsföll allt árið 2022 meðal barna á aldrinum 0 til 14 ára.

Gögn fyrir árið 2022 ná yfir fyrstu 32 vikur ársins (miðjan ágúst) og eins og sjá má eru umframdauðsföll flestar vikur ársins langt yfir hefðbundnu hlutfalli. Í viku 24 var sett met en þá urðu 101 umframdauðsföll meðal barna á aldrinum 0 til 14 ára.

Línurit hér neðar ber saman uppsafnaðan heildarfjölda umframdauðsfalla árin 2020, 2021 og 2022 frá viku 1-32 (janúar til miðs ágúst).

Samtals hafa orðið 841 umframdauðsföll meðal barna á þessum tíma (vikur 1-32 þessara ára) samanborið við hefðbundna tíðni.

Umframdauðsföll barna fyrir C-19 „bólusetningar“ - vikur 1-22

Eftirfarandi súlurit sýnir heildarfjölda umframdauðsfalla frá viku 1-22 ársins 2021 meðal barna á aldrinum 0 til 14 ára árið 2021 (EMA samþykkti notkun Covid-19 „bóluefnisins“ fyrir 12 til 15 ára börn í viku 22), samanborið við sama tímaramma önnur ár. Athugið að árið 2022 er líka þarna inni, en þá voru „bólusetningar“ barna hafnar í vikum 1-22.

Umframdauðsföll barna eftir C-19 „bólusetningar“ - vikur 22-52

Eftirfarandi súlurit sýnir heildarfjölda umframdauðsfalla meðal barna á aldrinum 0 til 14 ára árið 2021 eftir samþykki EMA á Covid-19 „bóluefninu“ fyrir 12 til 15 ára börn í viku 22, samanborið við sama tímaramma önnur ár.

Meðalfjöldi umframdauðsfalla meðal barna í Evrópu á árunum 2017 til 2020 á milli viku 22 og viku 52 jafngildir 59,75. En á sama tímabili árið 2021, eftir samþykki EMA á Pfizer Covid-19 „bóluefninu“ fyrir börn, voru 1.015 fleiri dauðsföll meðal barna en hefðubundið er og 955.25 fleiri dauðsföll en meðaltalið 2017 til 2020.

Þetta þýðir umfram dauðsföll meðal barna allt árið 2021 eftir samþykki EMA á Covid-19 sprautunum fyrir börn á aldrinum 12 til 15 ára, jókst um 1599% miðað við meðaltal 2017 til 2020.

Eftir „bólusetningar“ umframdauðsföll barna aukist um 691%

Árið 2022 var börnum 5 ára og eldri í Evrópu boðin Covid-19 sprautan og börnum 12 ára og eldri hefur verið boðið upp á allt að þrjá skammta af Covid-19 sprautunni.

Meðalfjöldi umframdauðsfalla meðal barna 2018 til 2021 á milli viku 1 til viku 33 jafngildir 175. En á fyrstu 32 vikum ársins 2022 voru 841 fleiri dauðsföll meðal barna en hefðbundið hefur verið og 666 fleiri dauðsföll en meðaltalið árin 2018 til 2021.

Þetta þýðir umframdauðsföll meðal barna allt árið 2022, þ.e. hingað til og eftir að EMA samþykkti Covid-19 sprautuna fyrir börn 5 ára og eldri, hafa aukist um 381% miðað við meðaltal áranna 2018 til 2021.

Þegar tölurnar fyrir viku 22 árið 2021 og áfram upp að viku 33 af árinu 2022 (1.856 umfram dauðsföll) eru sameinaðar og bornar saman við meðaltal áranna 2017 til 2020 og 2018 til 2021 (234,75 umfram dauðsföll), má sjá að umframdauðsföll meðal barna í Evrópu hafa aukist um 691% síðan Lyfjastofnun Evrópu samþykkti fyrst Covid-19 „bóluefni“ fyrir börn á aldrinum 12 til 15 ára í maí 2021.

Er þetta bara óheppileg tilviljun sem bæta þarf við langan lista yfir „tilviljanir“ sem hafa átt sér stað síðan snemma árs 2021?

Stjórnvöld vilja endilega að almenningur haldi það. En stjórnvöld þurfa engu að síður að útskýra hvers vegna þúsundir fleiri barna eru að deyja en venjulega er gert ráð fyrir í Evrópu.

Þá þurf stjórnvöld líka að útskýra hver „neyðin“ var fyrir börn sem réttlætti notkun mRNA tilraunabóluefna á börnum. Því þegar dánartölur barna eru skoðaðar fyrir útgáfu neyðarleyfanna má sjá að engin umframdauðsföll voru meðal barna 0-14 fyrir útgáfu neyðarleyfanna sem réttlætt gætu útgáfu slíkra „neyðarleyfa“.

Byggt á grein The Expose.

2 Comments on “Áttföld umframdauðsföll meðal barna í Evrópu eftir að byrjað var að sprauta”

  1. Mannkynið hefur sannarlega tapað Mójóinu sínu og dansar i strengjum stýrt af Dr. Evil. Fólk hreinlega neitar að horfast í augu við staðreyndir sem blasa við þeim fáu sem halda í heilbrigða skynsemi.

    Og í íslenskum fjólmiðlum eru skynsamt efasemdarfólk kallað samsæringar. Ja snautleg er íslensk fjólmiðlastétt orðin.

  2. Missti algerlega álitið á Íslendingum og fólki per se undanfarin 2 ár eða svo. Viðbrögðin við Covid-19 hafa verið hryllileg martröð.

Skildu eftir skilaboð