Eftir Arnar Sverrisson:

Það er nauðgunarmenning í framhaldsskólum landsins, segir varaformaður Skólameistarafélagsins. Piltar, sem liggja undir ámæli stúlkna um kynofbeldi, skulu fjarlægðir úr skóla. Yfirvöld, stjórnmálamenn og kvenfrelsarasamtök, brýna fyrir okkur að trúa konum og styðja þannig við þolendur. Barnamálaráðherra segir, að illa muni fara fyrir þjóðinni, ef hún gangi ekki að kröfum grenjandi frenja í framhaldsskólunum. Skólakerfið og yfirvöld ætla að skipa eigin „dómstól“ eins og fleiri hafa gert, t.d. kirkjan og Samfylkingin og alsiða er í háskólum vestrænna lýðræðisríkja.

Þróunin í íslenskum framhaldsskólum endurspeglar þróunina við æðri menntastofnanir annars staðar í hinum vestræna heimi. Körlum, bæði kennurum og nemendum, hefur verið bolað miskunnarlaust í burtu, líf þeirra eyðilagt með samstilltu átaki grenjandi frenja, hatursfullra fjölmiðla og kvenfrelsunarvænna raggeita í stjórn skólanna, svo og kvenfrelsunaryfirvalda.

Kanadíski enskuprófessorinn fyrrverandi, Janice Fiamengo, rekur hér eina hryggðarsöguna. Söguprófessorinn, David Schimmelpenninck van der Oye (1957-2022), var kærður til háskólayfirvalda fyrir kynferðislega áreitni.

David varð það á í messunni að þjóra með nokkrum nemenda sinna á krá. Hann yfirgaf krána í fylgd tveggja nemenda, pilts og stúlku. Þau sátu að sumbli á skrifstofu hans. Pilturinn yfirgaf samkvæmið, en stúlkan og kennarinn þjóruðu undir morgun. Ári síðar kærði stúlkan kennara sinn fyrir kynáreitni.

Samkvæmt sauðdrukknum þolandanum hafði kennarinn stígið í vænginn við hana. Það fól í sér óviðeigandi og óvelkomna snertingu, athugasemdir kynferðislegs eðlis og kynferðislega ágeng orð til að skapa aukna nálægð.

Minni David drukknaði í vímunni. Hann var auðmjúkur, samþykkti að þiggja leiðbeiningar um sæmilegt hátterni og fór í meðferð við áfengissýki. En David var engu að síður „dauðadæmdur“ af dómstóli hinna grenjandi frenja. Kviðdóminn skipuðu fjölmiðlar og yfirvöld.