Prófessor Christian Perronne, þekktur franskur smitsjúkdómafræðingur, segir að hægt hefði verið að bjarga 90% allra mannslífa í Covid faraldrinum, ef læknum hefði verið leyft að nota þekktar og reyndar meðferðir. 

„Covid-faraldurinn“ svonefndi var meðhöndlaður á grundvelli „pólitískrar lygi“ og ekki aðeins í einstaka ríkjum heldur alls staðar um heiminn.“ Þetta sagði Perronne í samtali við Swebbtv sem fylgir hér neðar. Perronne segir að hægt hefði verið að koma í veg fyrir 90% dauðsfalla í upphafi kórónuveirunnar ef þær meðferðir sem þegar voru til hefðu verið leyfðar, en ekki bannaðar.

Ekki sá heimsfaraldur sem fjölmiðlar blésu út

Christian Perronne er mjög gagnrýninn á hvernig Covid var meðhöndlað. Allt sem hægt var að gera rangt, var gert rangt. Strax í upphafi þegar veiran var sterkari, var dánartíðnin mjög lág, segir hann. Þetta staðfesti sænska lýðheilsustofnunin  snemma í ferlinu með rannsókn á fólki sem veiktist á tímabilinu 21.- 30. mars 2020. Dánartíðni í aldurshópnum undir 70 ára var 0,1 prósent. „Þetta var ekki sá heimsfaraldur sem fjölmiðlar blésu út daglega og sögðu að allir myndu deyja.“

Perronne hélt því fram að þegar hafi verið til lyf eins og Ivermectin og Hydroxychloroquine, sem höfðu verið notuð af milljörðum manna um allan heim og voru því örugg. En lyfin voru stöðvuð og svartmáluð til að hægt væri að lýsa yfir neyðarástandi og fá hið svokallaða „bóluefni“ samþykkt.

„Það var til meðferð, sem allar ríkisstjórnir sögðu að ekki mætti nota, það kom mér verulega á óvart. Það var hægt að fylgjast með fjölda manns í ýmsum löndum og þremur mánuðum síðar hefði fengist staðfesting á að meðferðin virkaði, en það var ekki gert,“ sagði prófessorinn.

Hægt hefði verið að koma í veg fyrir 90% dauðsfalla ef læknum hefði verið leyft að nota þekktar meðferðir. 90% dauðsfalla urðu vegna þess að læknum var ekki leyft að meðhöndla þá veiku með meðferðum sem þegar voru til. Í stað þess var farið að nota lyfið Remdesivir, sem er hættulegt líkamanum og rándýrt. 

„Hvers vegna sögðu allir sérfræðingarnir í mars 2020 að við værum með hið fullkomna lyf (Remdesivir)? Það virkaði ekki og er mjög eitrað fyrir nýru og lifur. Þetta vitum við. Það hefur verið upplýst og það er glæpsamlegt að mæla með því.“

Að skólum hafi verið lokað þrátt fyrir að börn séu í mjög lítilli hættu að veikjast af kórónuveirunni, er dæmi um hvernig heimurinn missti vitið.

„Þess vegna ákvað ég að tala. Allt var gert vitlaust strax í upphafi. Ég hef þekkingu á hvernig eigi að höndla faraldur, ég hef gert það áður en ég var sakaður um að vera samsæriskenningasmiður og loddari af samstarfsfólki, stjórnmálamönnum og blaðamönnum. En þeir réðust aldrei á mig með vísindalegum rökum. Vegna þess að þeir gátu það ekki.“

Eigum að stöðva allar Covid-bólusetningar nú þegar

Perronne hefur skrifað tvær bækur um Covid sem ekki hafa verið gagnrýndar á vísindalegan hátt, segir hann.

„Þeir geta aldrei ráðist á mig vegna þess að í annarri bókinni eru 60 blaðsíður af tilvísunum, sem sanna orð mín.“

Christian Perronne segir „bóluefnið“ gegn Covid ekki vera bóluefni heldur þvert á móti eflir það veiruna, fullyrðir hann. Bæði Sars-Cov-2 og bóluefnið innihalda eitrað gaddaprótein „sem örvar veiruna.“ Það má sjá, hvernig bóluefnið eflir sýkinguna og gerir sjúkdóminn verri, jafnvel dauðsföll, útskýrir hann.

„Við eigum að stöðva bólusetningarnar tafarlaust“ segir hann og bendir á að skráðar aukaverkanir hjá opinberum stofnunum og dauðsföll af völdum „bóluefnisins“ séu líklega aðeins um 10% af raunverulegum fjölda.

„Það verða háar tölur fyrir allan heiminn. Því var haldið fram að hinir óbólusettu væru ástæða þess að faraldurinn hélt áfram. Það er einmitt öfugt. Það eru hinir bólusettu, sem dreifa smitum og verða mest veikir. Þetta var pólitísk lygi, ekki bara í einu ríki heldur um allan heim.“

 Sjá má viðtalið í heild sinni á ensku á hér: