Meira en fjórðungur Bandaríkjamanna segjast þekkja einhvern sem líklegt sé að hafi látist af völdum bólusetningar gegn Covid-19. 22% af þeim sem eru bólusettir segjast þekkja einhvern sem hefur látist af bólusetningunni

Tæpur helmingur fullorðinna Bandaríkjamanna er þeirrar skoðunar að líklegt sé að bóluefnin hafi valdið umtalsverðum fjölda dauðsfalla, 28% telja þetta mjög líklegt. Tæpur þriðjungur (28%) segjast þekkja persónulega einn eða fleiri einstaklinga sem líklegt sé að látist hafi vegna aukaverkana bóluefnanna.

Þetta kemur fram í könnun sem framkvæmd var af Rasmusen Reports á síðustu dögum ársins 2022.

71% svarenda kváðust hafa fengið bólusetningu við Covid-19 og eru áhyggjur af aukaverkunum almennt talsvert meiri meðal þeirra sem ekki höfðu fengið hana. Þannig töldu 45% óbólusettra líklegt að einhver þeim nákominn hefði látist vegna aukaverkananna, en 22% hinna bólusettu.

Í fyrri könnun fyrirtækisins frá 7. desember sl. kemur fram að 7% þeirra sem fengið höfðu bólusetningu fengu alvarlegar aukaverkanir sem þeir töldu mega rekja til sprautunnar. Þetta eru 70.000 af hverri milljón, en almennt viðmið er að alvarleg aukaverkun vegna flensubóluefna komi fram hjá einum til tveimyr af hverri milljón bólusettra.

Fyrri könnunina má finna hér og þá síðari hér. Meira má lesa um könnunina hér.