„BBC hefur valdið meiri skaða en nokkur manngerður vírus gæti nokkurn tímann gert“

Stuðningsfundur var haldinn fyrir utan breska ríkisútvarpið BBC um helgina.  Um var að ræða fjölsóttan samstöðufund fyrir fórnarlömb sem hafa látist eða veikst illa eftir Covid tilraunaefnið, sprautur sem margir voru þvingaðir í til að halda starfi sínu. Heilbrigðisstarfsfólk NHS í Bretlandi var t.d. skylt að fara í sprauturnar, ellegar var það rekið úr starfi.

Fyrrum breska fótboltastjarnan Matt Le Tissier var einn þeirra sem flutti ræðu á útifundinum og sagði meðal annars að BBC hafi valdið meiri skaða en nokkur manngerður vírus gæti nokkurn tímann gert.

BBC hunsaði viðburðinn sem haldinn var við húsgafl stofnunarinnar.

Úr ræðu Tissier:

Ég var hvattur til að taka þátt í þessum atburði og held að við séum öll hér í dag því okkur er ekki sama um fólkið. Okkur þykir leitt að fólk hafi skaðast og okkur er ekki sama um að fólk skuli deyja. Þetta gerðist vegna þess að fólk var hvatt eða þvingað með sálfræðihernaði til að taka þessa nýju tilraunasprautu sem dulbúin var sem bóluefni. Fólki var talið trú um að færi það ekki í sprautuna væri það „bólusetningaandstæðingur eða ömmumorðingi“.

Það eitt og sér hefði átt að hringja einhverjum bjöllum.

Ef eitthvað væri svo frábærlega gott fyrir heilsuna, þá myndu þið standa í biðröð eftir því. Það þyrfti ekki að þvinga ykkur, það þyrfti ekki að múta ykkur og ekki hóta ykkur starfsmissi til að taka það. Fólk fór í sprauturnar því það taldi sig vera að gera hið rétta fyrir ríkisstjórnir sínar og samborgara.

Því mætti halda, að eftir að hafa tekið þetta, og því miður orðið fyrir skaða eða látist, að stjórnvöld yrðu fyrst í röðinni til að segja: „Hvað getum við gert fyrir ykkur?“ En þau voru ekki fyrst í röðinni. Reyndar eru þau ekki einu sinni í "f...ing" röðinni. Stjórnvöld hafa yfirgefið fólkið í neyð sinni.

Þau hafa snúið baki við fólkinu og líta á skaðann sem „hliðartjón“ (collateral damage) í þessari misheppnuðu [lyfja]tilraun.

Nú vissi ég alltaf að flestir stjórnmálamenn sem hafa risið upp í valdastöður voru í þessu fyrir sig sjálfa og höfðu engan áhuga á okkur fólkinu. En að þeir hunsi nú þá sem hafa skaðast af sprautunum á þennan hátt er ekkert minna en vanræksla og sennilega miklu verra en það.

Þetta fólk á ekki að þurfa að bíða í mörg ár eftir skaðabótum frá sjúkratryggingum ríkisins, og stjórnvöld hefðu aldrei átt að veita þessum spilltu lyfjafyrirtækjum friðhelgi fyrir lögsóknum. En ef svik hafa átt sér stað, þá á þessi friðhelgi ekki við. Blaðakonan Naomi Wolf og teymi hennar hafa afhjúpað fjölda sönnunargagna um það sem er að finna í Pfizer skjalahaugnum. Já - í skjölunum sem þeir [FDA og Pfizer] vildu fela fyrir okkur í 75 ár!

En þetta er að spyrjast út. Sannleikurinn er að líta dagsins ljós. Og við munum halda þrýstingnum áfram. Við munum ekki hætta fyrr en þetta fólk fær einhvers konar réttlæti, einhvers konar bætur og jafnvel viðurkenningu á því að það sé til, og að veikindi þess séu ekki bara í hausnum á því - eins og einn læknir sagði við vin minn, „algjör viðbjóður“.

Þannig að skilaboð mín til lækna, hjúkrunarfræðinga og sjálfboðaliða sem gefa þessar sprautur eru: vitið þið hvaða skaða þið hafið valdið? Þessar sprautur sem þið eruð að gefa, þær hindra ekki að þú fáir Covid. Þær koma ekki í veg fyrir að þú smitir aðra. Þær koma ekki heldur í veg fyrir að þú verðir lagður inn á sjúkrahús og ekki í veg fyrir að þú deyir.

Þannig að hvað í fjandanum gera þær? Ég skal segja ykkur hvað þær gera. Þær skaða fólk og drepa það á mælikvarða sem við höfum aldrei, aldrei séð áður. Þannig að þið fólk, áður en þið mætið á næstu vakt til að sprauta fólk og innheima tekjur ykkar, horfið í augun á þeim „bóluefnasködduðu“ og spyrjið ykkur: „Er ég að gera gott? Eða hef ég bara sannfært sjálfa(n) mig um að ég sé að gera gott? Og ef þú hlustar á innsæið, þá muntu finna sannleikann.

Skilaboð til fjölmiðla og ríkisstjórnarinnar

Og síðustu skilaboð mín hér í dag eru til ríkisstjórnarinnar og helstu fjölmiðla - og við skulum segja eins og er, þau eru „eins og eitt“ þessa dagana. Rishi Sunak – Rishi, þú sagðir í viðtali að ég væri æskuhetjan þín og að þú ættir frábærar minningar um Dell leikvöllinn þar sem þú komst til að horfa á mig spila fótbolta. Jæja, ég bið þig nú um greiða. Komdu og talaðu við mig og komdu og talaðu við þá sem hafa orðið fyrir bóluefnaskaða. Komdu og hlustaðu, komdu og hlustaðu á sögur þeirra og sannaðu að þú getir verið leiðtogi allra, en ekki bara yfirherra þinna í World Economic Forum. Þú þarft að byrja á því að veita fólkinu athygli sem þér er ætlað að stjórna og þjóna. Þú varst ekki einu sinni kosinn. Þú varst settur í stöðu þína, flokkspólitískt.

Þú þarft að fara að gera hið rétta fyrir fólkið sem er hér saman komið í dag. Þú getur byrjað á því að greiða því skaðabætur sem fyrst, ekki láta það bíða í mörg ár. Þú gætir jafnvel notað peningana sem þú færð frá félögum þínum sem gáfu út þessa PPE samninga (Personal Protective Equipment). Það hljóta að vera nokkur pund þar að finna. Allir geta séð spillinguna í ríkisstjórn ykkar. Og ég veit að þú átt von á borgaralegri uppreisn. Graham Brady „sleppti kettinum úr pokanum.“ En það er fleiri en ein leið til að vinna stríð. Og við ætlum að gera það friðsamlega og við ætlum að gera það!

Hér má hlýða á ræðu Tissier:

BBC þáttargerðarkonan, Jules Serkins, setti inn þess færslu á Twitter. Hún hlaut sjálf skaða eftir Astra Zeneca sprauturnar og hefur myndað stuðningshóp fyrir aðra sem hlotið hafa sömu örlög.