BBC valdið meiri skaða en nokkur vírus: Matthew Le Tissier

frettinErlent, Hallur HallssonLeave a Comment

Eftir Hall Hallsson:

Meðan fréttamenn BBC sátu brosandi í hlýjum stólum undir skærum ljósum frammi fyrir sjónvarpsvélum á sunnudag, komu þúsundir saman í kuldanum úti fyrir til samstöðufundar með þeim sem veikst hafa af covid-vaksínum og aðstandendum þeirra sem látist hafa: „Skömmin er ykkar – Shame on you,“ kyrjaði fólkið fyrir utan höfuðstöðvar BBC á Portland Place í Lundúnum. Fréttamenn BBC á lúxus launum fólksins fyrir utan hvorki sjá né heyra ákall hinna veiku og syrgjandi.

Suss suss, BBC, suss suss, RÚV

Þið sjáið ekki fréttir á BBCRÚV um fórnarlömb covid-vaksína. Jules Serkin, þáttakona BBC hlaut skaða af sprautu. Það opnar ekki augu BBC né lát kollega, Lísu Shaw. BBC flytur einvörðungu ríkisáróður. Jules hefur lýst þöggun sem hún mætir. Sjúkrahúslæknis tók fyrir munn sér og sagði; sé ekkert, heyri ekkert, segi ekkert, suss suss. Syrgjandi eiginmaður Lísu tvítar en mætir ærandi þögn. BBC þegir, lyfjarisa má ekki styggja, suss suss. Elon Musk tvítaði á föstudag: “Fékk heiftarlegar aukaverkanir af booster tvö. Hélt í nokkra daga ég væri að deyja. Vonandi ekki varanlegur skaði en veit ekki: I dunno.“ Suss suss BBC, suss suss RÚV.

#image_title

Suss suss, Kata

Jules og Rebekka okkar Ósk hafa myndað stuðningshópa á fésbók. Katrín Jakobsdóttir hlustar ekki á ákall þúsunda kvenna með tíðavanda; já þúsundir eiga um sárt að binda á Íslandi, umframdauði á Íslandi hinn hæsti í Evrópu, Þórólfur Guðnason í skjóli nætur fiktar við covidtölur til þess að fela skaða, RÚV þaggar, lyfjarisa má ekki og skal ekki styggja. Big-Pharma er holdtekja vísinda, suss suss ekki ræða. Vísindin eru hjáguð BBC og RÚV. Þannig eru vísindin misnotuð. Þið sjáið frétt um ákall fólksins fréttin.is sem berst í bökkum fjárhagslega meðan megin-miðlar í framvarðasveitum Ríkislögreglustjóra flytja ríkisáróður á ríkisstyrkjum. Svona er Bretland í dag, svona er Ísland í dag. Það verður þegar ríkið byrjar að greiða bætur til sjúkra og syrgjenda vegna þess að Kata litla með lokuð augu sagði suss suss.

Suss suss, Rishi

Meðal þeirra í kuldanum fyrir utan BBC var Matthew Le Tissier sem flutti ræðu og sagði: „BBC hefur valdið meiri skaða en nokkur manngerður vírus getur nokkurn tímann gert.“ Le Tissier sem lék fyrir Southampton er knúinn sannleiksvitund; hugrakkur og heiðarlegur. „Þessi vaksín koma ekki í veg fyrir að þú smitist, koma ekki í veg fyrir að þú veikist, koma ekki í veg fyrir innlögn á sjúkrahús, koma ekki í veg fyrir að þú deyir. Svo hvurn fjandann gera þau? Ég skal segja ykkur það. Þau valda skaða og drepa fólk á skala sem við  höfum aldrei áður séð,“ sagði Le Tissier.

Le Tissier ávarpaði hinn ofurríka forsætisráðherra Breta, Rishi Sunak: „Rishi, þú sagðir í viðtali að ég væri æskuhetjan þín og að þú ættir frábærar minningar á Dell þar sem þú komst til að horfa á mig spila fótbolta. Jæja, ég bið þig nú um greiða. Komdu og talaðu við mig og komdu og talaðu við þá sem hafa orðið fyrir bóluefnaskaða. Komdu og hlustaðu, komdu og hlustaðu á sögur þeirra og sannaðu að þú getir verið leiðtogi allra, en ekki bara yfirherra þinna í World Economic Forum,“ sagði Le Tisser. Suss suss, Rishi. Þessi grein er ekki á fésbók þar sem ég er rægður og útskúfaður af ritskoðurum í Sílikondal, Kaliforníu. Hversu galin er veröld okkar?

Skildu eftir skilaboð