Rannsóknarblaðamenn Project Veritas birtu á miðvikudagskvöld myndbandsupptöku sem tekin var með falinni myndavél af „viðtali“ blaðamanns þeirra við Jordan Trishton Walker, forstöðumanns rannsókna og þróunar hjá Pfizer. Forstöðumaðurinn taldi sig vera á stefnumóti.

Í upptökunni kemur fram að Pfizer sé að vinna að því að stökkbreyta COVID-19 vírusnum til að auka smittíðni og styrkleika hans svo fyrirtækið geti hagnast á því að selja meira af „bóluefnum“. Í viðtalinu segir Walker að þetta sé ekki það sem fyrirtækið segi almenningi, fólk yrði ekki hrifið, þannig að „ekki segja neinum“, segir hann ítrekað við blaðamanninn.

Pfizer hefur loks brugðist við upptökunni sem fór eins og eldur um sinu um samfélagsmiðla og fékk milljónir áhorfa á svipstundu. Þessa stundina eru áhorf um 22 milljónir.

Meginstraumsmiðlar voru þöglir eins og gröfin og breski miðillinn Daily Mail sem birti fréttina á fimmtudagsmorgni, tók hana út nokkrum klukkustundum síðar.

Bandaríski þáttastjórnandinn Tucker Carlson fór þó yfir málið sem sjá má hér neðar, og samræður Walker og blaðamanns Project Veritas má lesa hér í íslenskri þýðingu.,

Pfizer sagðist meðal annars hafa framkvæmt rannsóknir „þar sem upprunalegi SARS-CoV-2 vírusinn hafi verið notaður til að tjá topppróteinið á nýjum afbrigðum sem vekja áhyggjur og hafa gert 3. stigs tilraunir á rannsóknarstofu. Pfizer sagði að í vinnu sinni við að þróa meðferð við COVID-19 hafi fyrirtækið „hannað“ COVID-19 vírusinn „til að gera það mögulegt að meta veirueyðandi virkni í frumum.“

Dr. Robert Malone segir að Pfizer sé samkvæmt yfirlýsingu sinni tæknilega að vinna að virknieflingu veirunnar (e. gain of function).