Taílensk yfirvöld, þar á meðal ráðgjafar konungsins, hafa átt í viðræðum við prófessor Sucharit Bhakdi og eru reiðubúin að sjá til þess að Pfizer-samningarnir verði úrskurðaðir ógildir. Konungsfjölskyldunni hefur verið gert viðvart um að krónprinsessan sé líklega fórnarlamb Pfizer Covid sprautanna.

Prinsessa Bajrakitiyabha, sem er 44 ára og elsta dóttir Vajiralongkorn konungs, hneig niður með hjartastopp í desember þegar hún var að þjálfa hunda sína norðaustur af Bangkok, sagði í tilkynningu frá konungshöllinni. Prinsessan er enn í dái. Systir konungsins er einnig sögð hafa fengið hjartsláttatruflanir.

Prófessor Bhakdi sem er hálfur Tælendingur og hálfur Þjóðverji, er einn þeirra vísindamanna sem hafa frá upphafi varað stórlega við svokölluðum „bóluefnum,“ en reynt hefur verið að gera lítið úr honum eins og fleiri vísindamönnum, læknum og sérfræðingum sem hafa reynt að upplýsa fólk um hættuna.

Bhakdi segist í viðtali, sem sjá má hér neðar, vera í viðræðum við æðstu ráðamenn á Tælandi varðandi „bóluefnin.“ Þegar hann hafi útskýrt fyrir þeim að „bóluefnið“ hafi ekki farið í gegnum neinar öryggisprófanir og að COVID-19 áætlunin og „bóluefnin“ væru byggð á falsi og svikum, ætlaði allt um koll að keyra og segjast ráðamenn ætla að sjá til þess að samningar við Pfizer verði úrskurðaðir ógildir og Pfizer endurgreiði þeim milljarðana sem tælenska ríkið greiddi lyfjafyrirtækinu.

Rúmri viku eftir hjartáfall tælensku prinsessunnar lýsti einn af helstu taugasérfræðingum Tælands, Dr Thiravat Hemachudha, því yfir að augljós tengsl væru milli fjölda hjartatengdra kvilla og Covid sprautuefnanna hjá fólki sem hefur fengið bóluefnin sem framleidd eru með mRNA tækninni. Bangkok Times sagði frá.