Á meðan fjöldi heilbrigðisstarfsmanna og sérfræðinga eykst sem kallar eftir tafarlausri stöðvun á notkun COVID mRNA tilraunabóluefnanna, loka stjórnvöld enn augunum fyrir einum grimmilegasta glæp sem framinn hefur verið gegn mannkyninu.
Á sunnudag bættist enn einn sérfræðingurinn í hópinn, Retsef Levi prófessor við Massachusetts Institute of Technology (MIT), sérfræðingur í lyfjaöryggisgreiningum með yfir 30 ára reynslu. Varaði hann þá við áhættunni sem fylgir notkun mRNA tilraunaefnanna og kallaði eftir tafarlausri stöðvun á notkun allra mRNA COVID „bóluefna“.
Prófessor Levi hefur verið deildarmeðlimur við MIT í Cambridge, Massachusetts í Bandaríkjunum, frá árinu 2006. MIT er einn af fremstu einkareknu háskólunum Bandaríkjanna og númer eitt hjá QS World University Rankings 2023.
Í myndbandi sem hann birti á Twitterreikningi sínum á sunnudag segist hann taka upp myndbandið til að deila þeirri sterku sannfæringu sinni að á þessum tímapunkti ættu allar COVID mRNA bólusetningaráætlanir að hætta strax. Segir hann að hvorki stjórnvöld né stóru lyfjafyrirtækin hafi getað staðið við yfirlýsingar sínar um virkni „bóluefnanna“.
Smitvörn aldrei rannsökuð
Í þessu sambandi má minna á það þegar Janine Small stjórnandi hjá Pfizer, viðurkenndi á Evrópuþinginu að aldrei hefði verið prófað hvort mRNA tilraunaefni fyrirtækisins kæmi í veg fyrir smit, þvert á það sem áður var auglýst.
Prófessor Levi bætti við að áhættan vegi þyngra en ávinningurinn af notkun mRNA tilraunaefnanna.
„Þeir ættu að hætta [að nota mRNA efnin], þeir stóðu engan veginn við nein auglýst loforð um virkni. Og það sem meira er, þeir ættu að hætta vegna vaxandi og óumdeilanlegra sönnunargagna um að efnin valdi áður óþekktum skaða, þar á meðal dauða ungs fólks og barna,“ sagði Levi.
Levi sagði síðan frá ógnvekjandi upplýsingum úr ýmsum rannsóknum sem hann taldi upp sem sýna fram á að mRNA „bóluefnið“ er bæði óöruggt og árangurslaust.
„Ég tel að uppsöfnuð sönnunargögn séu óyggjandi og staðfesti áhyggjur okkar af því að mRNA „bóluefnin“ valdi örugglega skyndilegu hjartastoppi í framhaldi af hjartavöðvabólgu af völdum „bóluefnisins“. Og þetta er hugsanlega aðeins ein af leiðunum sem þau valda skaða “ sagði hann.
Hér má hlusta á myndbandið með Levi:
