Hópur japanskra vísindamanna undir forystu Masanori Fukushima prófessors lýsti því yfir á blaðamannafundi að þeir hygðust lögsækja japönsk stjórnvöld ef heilbrigðisráðuneytið heldur áfram að neita að viðurkenna orsakatengsl milli Covid bóluefnisins og dauðsfalla.

„Í apríl á síðasta ári gáfu félög meinafræði- og réttarlækninga út yfirlýsingu um að í framtíðinni ætti að kryfja fólk sem hefur látist eftir bólusetningu,“ sagði prófessor Fukushima. „Í framtíðinni þurfum við nauðsynlega að koma á leiðbeiningum um hvers konar læknismeðferð ætti að veita fórnarlömbum sem skaðast af bóluefninu, og við þurfum að þróa ákveðna greiningartækni.“

Samkvæmt Fukushima viðurkennir heilbrigðisráðuneyti Japans ekki orsakatengsl milli bóluefnisins og dauðsfalla. Japönsku vísindamennirnir hótuðu stjórnvöldum að höfðað yrði dómsmál gegn þeim vegna COVID-bóluefnisins.

„Meinafræðilegar krufningar hafa þegar verið gerðar á fólki sem látist hefur eftir bólusetningarnar. Heilbrigðisráðuneytið vill þrátt fyrir það ekki viðurkenna orsakatengslin þar á milli. Ef heilbrigðisráðuneytið breytir ekki um stefna hvað þetta varðar ætlum við að stefna þeim í samráði við lögfræðinga okkar,“ sagði Fukushima.

Þegar blaðamaður spurði hvað prófessorinn myndi segja við lækna sem gefa fólki bóluefni svaraði hann:

„Ég vil segja eitt mjög skýrt við heilbrigðisráðuneytið og heilbrigðisstarfsfólk. Þau ættu að dreifa handbók til allra sem hafa fengið bóluefnið „Handbók fórnarlamba bólusetninga" sem væri svipuð og „Handbók fórnarlamba kjarnorkusprengjanna,“ sem dreift var þeirra sem lifðu af kjarnorkusprengjurnar. Eftir að bólusetningahandbókinni hefur verið dreift til bólusettra, ætti að hvetja sjúkrastofnanir til að fylgja málinu eftir og vera í sambandi við þá bólusettu.

Prófessor Fukushima bætti við: „Bólusettir eru fjórum sinnum líklegri til að smitast en óbólusettir. Dánartíðni reyndist einnig hærri meðal bólusettra á öllum aldri. Vísindin á bak við bólusetningarnar eru orðin að engu. Japanska ríkið hefur falið gögn og hætt að birta viðkvæmar upplýsingar. Þetta er alvarleg þjóðarkrísa."

Hér má hlýða á blaðamannafundinn sem er með enskum texta: