Ljósmyndari hjá Heimildinni með stríðsáróður sem stenst enga skoðun: meginstraumsmiðlar hafa eftir og blokka aðrar hliðar

frettinFjölmiðlar, Innlent1 Comment

Tjörvi Schiöth sagnfræðingur, segir að Óskar Hallgrímsson ljósmyndari, hafi gerst sekur um stríðsáróður sem stenst enga skoðun. Óskar býr sjálfur í Kiev í Úkraínu.

Helstu fjölmiðlar landsins hafa haft eftir honum upplýsingar sem að flokkast fremur undir upplýsingaóreiðu. Tjörvi veltir fyrir sér í hvaða hliðar-sýndarveruleika menn þurfi að búa í til að trúa svona augljóslega stórlega ýktum tölum.

Hefur beinan hagnað af einhliða framsetningu

Óskar er verktaki hjá Heimildinni en Morgunblaðið hefur einnig keypt af honum ljósmyndir. Óskar hefur því haft beinar tekjur af söguþræði sínum, sem stangast einnig á við nýlegar upplýsingar frá Pentagon. Helstu meginstraumsmiðlar vestanhafs hafa einnig sagt frá nýjustu vendingum og leynisskjölum sem nýlega láku frá Pentagon varðandi Úkraínustríðið.

Tjörvi tjáði sig um upplýsingaóreiðu Óskars á Facebook-síðu sinni, þar sem hann segir Óskar hafa „blokkað“ sig fyrir að benda á ósannindi í málfutningi hans og vísar hans m.a. til leyniskjalanna sem nýlega var lekið frá Pentagon og sem allir helstu fjölmiðlar í Bandaríkjunum hafa verið að fjalla um á síðustu vikum, en Óskar virðist ekki hafa tekið vel í það, því hann eyddi athugasemdinni og blokkaði Tjörva í kjölfarið.

Tjörvi segir að Óskar vilji fá að vera áfram óáreittur inni í sínum bergmálshelli, fullkomlega einangraður frá allri fjölmiðlaumfjöllun en þeirri sem hann sættir sig sjálfur við.

Chris Hedges sem er sjálfur þaulreyndur stríðsfréttablaðamaður er með allt annað sjónarsvið á atburðum í Úkraínu, fréttaskýringar hans má sjá hér fyrir neðan:

Heimsækja ekki víglínuna í Donbas

Þá er ljóst að flestir vestrænir stríðsfréttablaðamenn sem eru staddir í Úkraínu til að fjalla um Úkraínustríðið (eins og Óskar), hanga bara í helstu borgunum í vesturhluta landsins, eins og í Kyiv og Lviv, langt frá sjálfum stríðsátökunum, og heimsækja ekkert víglínuna í Donbas. Ef þeir fara yfir höfuð nær víglínunni þá gera þeir það í fylgdarliði Úkraínska hersins, sem fara með þá á það sem Hedges kallar "dog and pony shows”, nokkurskonar stýrðar vettvangsferðir þar sem þeir fá bara að sjá það sem stjórnvöld í landinu vilja sýna þeim. Svo skrifa þeir bara það sem er látið í hendurnar á þeim af Upplýsingaráðuneytinu eða fréttamiðstöðinni í Kyiv (eins og Chris Hedges segir frá).

Tjörvi segir að þessir blaðamenn hafi í raun ekki hugmynd um hvað er að gerast í sjálfu stríðinu, þó þeir séu staddir í landinu. Þeir eru alveg "clueless" eða úti að aka, fastir inn í bergmálsklefa yfirvalda þar í landi, og ekki færir um að hugsa út fyrir kassann. Stundum er betra að hafa aðeins meiri yfirsýn á hlutina. Það er eins og málshátturinn segir: "glöggt er gests augað", frekar en að fara fastur inni í litlum bergmálshelli.

Twitter skjölin má sjá hér:

Pentagon: Ekki er búist við því að vorsókn Úkraínumanna nái neinum árángri

Tjörvi bendir á að þessi þröngsýni Óskars sannast síðan af því, að hann hefur augljóslega ekkert verið að fylgjast með helstu fjölmiðlum í Bandaríkjunum, eins og Washington Post, New York Times eða Politico, sem eru allir búnir að vera að fjalla síðustu vikur um hinn umrædda Pentagon leka. En þeir hafa verið að greina frá því hvernig þessar nýju upplýsingar sem þar koma fram sýna fram á að stríðið sé núna "stalemate", og ekki er búist við því að vorsókn Úkraínumanna muni ná neinum árángri.

En þegar ég benti á þessi umræddu Pentagon skjöl í athugasemd undir færslu á vegg Óskars, þá brást hann við með því að blokka mig (og eyða athugasemdinni). Er hann þá að hafna því sem helstu meginstraumsfjölmiðlar á Vesturlöndum eru að segja núna um þetta stríð, segir Tjörvi.

Í ljósi þessara uppljóstrana, sem hefur verið fjallað um hjá Washington Post, New York Times, Politico o.fl., þá eru þær fullyrðingar sem Óskar setur fram í þessari grein á Vísi vægast sagt furðulegar: hann segir að stríðið geti ekki endað öðruvísi en með "uppgjöf Rússa“. Sem sagt með fullnaðarsigri(!) Úkraínu? (Hann virðist líta á það sem raunhæfan möguleika!). Og að það "sé ekki hægt að semja um frið við Rússa". Þetta er svo mikil delusional óskhyggja, sem er ekki í neinu samhengi við raunveruleikann, að það er erfitt að samþykkja að Óskar trúi því virkilega sjálfur sem hann er að segja.

Eins og áður segir, þá er þetta ekki einusinni í takt við það sem meginstraumsmiðlar á Vesturlöndum hafa sjálfir verið að segja síðustu vikur. Óskar er augljóslega bara að endurtaka gagnrýnislaust allan þann stríðsfréttaáróður sem hann fær í hendurnar frá yfirvöldum í Úkraínu. Þetta er ekki raunverleg blaðamennska, sem á „ideally“ að snúast um heiðarlega sannleiksleit og að segja rétt frá, segir Tjörvi.

Eins og klappstýra fyrir ákveðið lið í fótboltaleik

Tjörvi segir að þarna sé bara verið að taka þátt í að móta eitthvað narratív, sem á að þjóna ákveðnum málstað og tilgangi. Þetta er eins og að vera klappstýra fyrir ákveðið lið í fótboltaleik. Þess vegna er þessi sýn Óskars sem kemur þarna fram líka svona ónúanseruð, svart-hvít og absolútísk. „Annað-hvort eða“ hugarfar, „fullnaðarsigur eða ekkert.“ Að lokum: þetta er ekki „blaðamennska“, heldur bara grímulaus stríðsáróður, stríðsæsingur og gagnrýnislaus endurtekning á yfirlýsingum stjórnvalda í Úkraínu. Eigum við kannski líka að trúa því að Úkraínumenn hafi drepið yfir 184 þúsund Rússneska hermenn, eins og þeir halda sjálfir fram?"

Blokkaður á athugasemdakerfi Visir.is

Í samtali við Fréttina segist Tjörvi hafa átt í samræðum við tvo blaðamenn Visis í hópnum fjölmiðlanördar, þá Kjartan Kjartansson og Samúel Karl Ólafsson, en þeir hafa reynt að halda því fram að Rússar hafi skemmt sínar eigin gasleiðslur, þ.e Nord stream, ekki gátu þeir fært haldbær rök fyrir því, en hinsvegar hefur það í dag verið staðfest af einum reyndasta rannsóknarblaðamanni heims Seymour Hersh að bandaríkjamenn og norðmenn hafi staðið að hryðjuverkinu. Kjartan blokkaði svo Tjörva í kjölfarið.

Visir.is hefur nú einnig blokkað Tjörva fyrir að skrifa á athugasemdakerfið um Nord stream hryðjuverkið, sem sýnir allt annan veruleika en íslenskir meginstraumsmiðlar hafa reynt að halda fram, Tjörvi veltir því fyrir sér hvort þessi endalausa ritskoðun sé alveg gengin úr böndunum.

Færslu Tjörva í heild sinni má sjá hér neðar:

One Comment on “Ljósmyndari hjá Heimildinni með stríðsáróður sem stenst enga skoðun: meginstraumsmiðlar hafa eftir og blokka aðrar hliðar”

  1. Þetta er aðkeyptur forritaður áróðurhundur úr hreiðri leppstjórnar Úkraínu. Þetta grey fær að gjamma á öllum hinum Íslensku miðlunum til að breiða út lygar og gengdarlaust hatur á rússnesku þjóðinni.

Skildu eftir skilaboð