Eftir Þorgeir Eyjólfsson:
Neyðarástand skapaðist á yfirfullum spítölum í ríki sem ennþá var laust við covid-faraldurinn. Allt í boði bóluefnanna gegn covid-19.
Hvergi hefur skaðsemi bóluefnanna gegn covid-19 birst með skýrari og afdráttarlausari hætti en í Vestur-Ástralíu, sem er stærsta ríki Ástralíu.
Þorgeir Eyjólfsson
Stjórnvöld ríkisins ákváðu að loka landamærunum frá 5. apríl 2020 eða stuttu eftir að faraldurinn braust út. Ríkið var einangrað frá öðrum héruðum Ástralíu og umheiminum í 697 daga. Aðgerðin að loka landamærunum í þessu fjölmenna ríki Ástralíu tókst um skeið þar sem nánast engir greindust með veiruna í framhaldinu en neikvæðu áhrifin urðu umtalsverð. Til að forðast misskilning er höfundur algjörlega á móti þessari efnahagslega skaðlegu aðferð við smitvarnir sem svo á endanum reynist gagnslaus eins og reynsla Norður-Kóreu og lokanir borga og landsvæða í Kína sanna.
Bólusetningar gegn covid hófust í Vestur-Ástralíu 22. febrúar 2021 en á þeim tíma höfðu sárafá covid-smit greinst. Með miklum áróðri stjórnvalda og ströngum kröfum um bólusetningu á vinnustöðum voru 90% landsmanna yfir 12 ára aldri búin að fá a.m.k. eina sprautu fyrir lok ársins.
Ekki liðu margir dagar eftir að bólusetningar hófust í febrúar 2021 þar til tilkynningar taka að berast í gagnagrunn um alvarleg skaðatilvik af völdum mRNA-bóluefnanna. Gagnagrunnurinn er sérstaklega starfræktur til að taka við tilkynningum um alvarlegan skaða af völdum bóluefna. Samfara tilkynningum í gagnagrunninn tók innlögnum á spítala að fjölga.
Ástandið á spítölunum í Vestur-Ástralíu vakti mikla furðu í Ástralíu þar sem álagið á spítalana var ekki hægt að rekja til faraldursins. Aðspurður á blaðamannafundi átta mánuðum eftir að bólusetningar hófust sagðist forsætisráðherrann engar skýringar hafa á því hvers vegna spítalarnir væru undir svo gríðarlegu álagi. Rétt er að leggja áherslu á að vegna lokunar landamæra ríkisins, sem var framfylgt af hörku, höfðu einungis 1.158 íbúar greinst með covid í lok árs 2021 af 2,8 milljónum íbúa ríkisins.
Að bóluefnin valdi alvarlegum skaða og dauðsföllum sést hvergi skýrar en í Vestur-Ástralíu sem með lokun landamæra tókst að halda veirunni frá um skeið. Stjórnvöld hófu bólusetningar á veirulausum íbúum Vestur-Ástralíu í febrúar 2021. Afleiðingarnar létu ekki á sér standa eins og sést glöggt á súluritinu. Þúsundir íbúa urðu fyrir alvarlegum skaða, fósturlátum fjölgaði svo og dauðsföllum. Neyðarástand skapaðist á yfirfullum spítölum í ríki sem ennþá var laust við covid-faraldurinn. Allt í boði bóluefnanna gegn covid-19.
Greinin birtist fyrst í Morgunblaðinu 6. maí 2023 en blaðinu láðist að birta súluritið með.
Höfundur er þríbólusettur eftirlaunahafi.
2 Comments on “Tímabært að Willum og Alma kveiki á perunni”
Það er búið að vera kveikt á perunni allan tímann en á henni logar rautt ljós Kölska þar sem vísvitandi glæpur hefur verið framinn á heilsu almennings.
Hvað drífur ásetninginn á Íslandi get ég ekki fullyrt um en ljóst er að margur Íslendingurinn hefur verið lagður fyrr í gröfina með þessum ólýsanlega glæp læknastéttarinnar.
Það eru tölur um umfram dauðsföll undanfarin misseri lýsandi vitni um þessa staðreynd og óljóst um önnur langvinn heilbrigðisvandamál sem sprautu efnin hafa framkallað hjá grandalausum almenningi.
Allt þvaður um að flensuveirunni sé hér um að kenna eins og landlæknir hefur látið hafa eftir sér oftar en einu sinni, er nú dauðrotað með þessum tölum úr þessu einangraða ríki í Ástralíu.
Það er kominn tími til að almenningur opni augun og fari að lesa umfjallanir á þessum miðli og vefsíðu Útvars Sögu þar sem umfjöllun er sönn og að mestu rétt en ekki upploginn alþjóðaglæpur gegn mannkyni sem á þá treystir.
Skoðaðu þetta Bjarki:
https://www.youtube.com/watch?v=TXQD973BZwA