Það fjölgar í hópi þeirra sem þora að koma fram og segja frá eigin skaða af völdum Covid-19 tilraunabóluefnanna.

Jessica Sutta sem var í söng- og danssveitinni Pussycat Dolls kom nýlega fram í viðtali og sagði þar í fyrsta sinna frá Covid bóluefnaskaða sem hún varð fyrir. Í viðtali við Jan Jekielek hjá Epoch Times segir hún frá því að hún hafi fengið alvarlegar aukaverkanir eftir Moderna sprautuefnið. Þremur dögum eftir fyrstu sprautuna í ágúst 2021 hafi hún fengið skelfilega vöðvakrampa öðrum megin í líkamann. Hún reyndi kírópraktískar meðferðir, nálastungur, nudd og fleira sem reyndust ekki gagnlegar og fór því á sjúkrahús. Læknar töldu þetta vera nýrnasýkingu en tengdu það ekki við COVID-19 bóluefnið, segir hún.

Einkennin versnuðu eftir aðra sprautuna. Hún fékk heilaþoku og léttist verulega. Í desember 2021 fór hún að fá verki í allan líkamann. Í janúar 2022 greindist hún með vefjagigt og var ráðlagt að stunda líkamsrækt. Þegar hún var í jóga og gerði æfingar þar sem snúa þarf upp á bakið, fór hún að fá taugakvilla. „Smátrefja skyntaugakvilli er þannig að þér líður eins og þú sért að brenna...þetta var í rifbeinunum og niður allan hrygginn. Sársaukinn kom í bylgjum, næstum eins og samdrættir.“

„Þegar verkirnir byrjuðu dreifðust þeir um allan líkamann. Ég man að ég starði upp í loftið og hugsaði: „Guð minn góður, þetta er búið. Ég er að deyja,“ sagði Sutta.

Mikill þrýstingur á að láta „bólusetja“ sig

Sutta segist hafa fundið fyrir miklum þrýstingi frá fjölmiðlum og fólki í tónlistargeiranum sem talaði opinberlega um „bólusetningarnar“ og lagði fólk í einelti með því að segja: „Þú ert vond manneskja ef þú færð ekki þetta bóluefni, ég vil ekki tala við þig. Ég vil ekki hlusta á tónlistina þína.“ Þegar ég lít til baka þá var það svo ótrúlega ábyrgðarlaust af þeim að gera þetta. Sérstaklega af sumum þeirra sem ég þekki persónulega og vissu um ástand mitt. Þeir vildu bara ekki trúa mér, sagði Sutta.

Ábyrgðarlaust að segja ekki frá

„Á ég að þegja? Mér finnst það vera ábyrgðarlaust. Þess vegna hugsaði ég: „Allt í lagi, loks þegar mér líður betur, þá ætla ég segja frá.“ Þegar ég sá viðtalið þitt [Jan Jekielek] við Bri, og ég er mikill aðdáandi þáttanna þinna, hugsaði ég: „Já, ég vil gera þetta með Jan. Ég held að Jan sé bestur til að taka viðtalið. Þakka þér fyrir að bjóða mér, því ég vil ekki tala við neinn annan“, sagði Sutta við þáttastjórnandann Jan.