Þorgeir Eyjólfsson birti í dag á Twitter súlurit sem sýnir glögglega orsakasambandið á milli fjölda Covid bólusetninga og umfradauðsfalla. Stuðst er við tölur landlæknisembættisins og evrópsku hagstofunnar Eurostat:

Fylgni er á milli fjölda mRNA bólusetninga og umframdauðsfalla á Íslandi. Einum til tveimur mánuðum eftir að bólusetningum fjölgar koma áhrifin fram í aukningu dauðsfalla. Línuritið sýnir þetta samband þegar áhrif 81 þúsund bólusetninga í janúar og febrúar 2022 koma fram í aukningu dauðsfalla í mars.

Afleiðingar þess að bólusetja 20% Íslendinga á nokkrum vikum í byrjun árs leiddi til hlutfallslegs metfjölda dauðsfalla í Evrópu í mars mánuði þegar þau urðu 54,4% umfram það sem búast mátti við miðað við reynslu síðustu fimm ára.

Í maí og júní voru 18 þúsund einstaklingar sprautaðir sem leiddi til 36,2% umframdauðsfalla í júlí. Kraftur var svo næst í bólusetningum í september og október þegar rúmlega 27 þúsund voru bólusettir. Afleiðingar þessa endurspeglast í umframdauðsföllum upp á 12,7% í nóvember, 29,8% í desember og 28,8% í janúar 2023. Sýnt hefur verið fram á fylgni fjölda bólusetninga og dauðsfalla víðar en á Íslandi.

Með tilliti til ofangreindra tölulegra staðreynda og rannsókna sem sýna fram á skaðsemi mRNA bóluefnanna auk þess sem bóluefnin hafa sýnt sig að vera gagnslaus sem smitvörn má ætla að heilbrigðisráðherra hafi nægar staðreyndir á borðinu til að rökstyðja fyrirskipun til landlæknis um að hætta tafarlaust Covid bólusetningum.