Námsmenn í Úganda stofnuðu til mótmæla í dag til að lýsa andstöðu sinni við hótanir Joe Biden Bandaríkjaforseta um að beita Úganda refsiaðgerðum vegna laga gegn samkynhneigðum í landinu. Mótmæli nemendanna endurspegla vaxandi andstöðu gegn meintum utanaðkomandi afskiptum af innanríkismálum Úganda.

Mótmælin,  sem voru skipulögð af nemendum frá a.m.k. 13 háskólum víðs vegar um landið, miðuðu að því að lýsa yfir vanþóknun á afstöðu Biden til laga gegn samkynhneigðum í Úganda. Nemendurnir sungu slagorð og báru skilti og lögðu leið sína fyrir framan þingið og kölluðu eftir virðingu fyrir fullveldi Úganda.

„Við viljum ekki "pro-gay" peningana þína. Við viljum og elskum landið okkar meira en peninga,“ hrópuðu mótmælendurnir.

Stjórnvöld í Úganda hafa sætt gagnrýni eftir að Yoweri Museveni, forseti Úganda, undirritaði strangt frumvarp til laga gegn samkynhneigðum sem felur í sér dauðarefsingu fyrir „versnandi samkynhneigð,“ nánar skilgreint sem samfarir samkynhneigðra þar sem HIV- smitaðir eiga í hlut, börn eða aðrir viðkvæmir hópar, sagði dagblaðið Politico.

„Þessi hneyksanlegu lög eru nýjasta skrefið í skelfilegri þróun mannréttindabrota og spillingar í Úganda,“ sagði Biden Bandaríkjaforseti.

„Hættan sem stafar af þessari lýðræðislegu afturför er ógn við alla sem búa í Úganda, þar á meðal bandaríska embættismenn, ferðamenn, fólk í viðskiptalífinu og fleiri,“ bætti forsetinn við.

Biden hótaði að beita Úganda refsiaðgerðum vegna umdeildra laga gegn samkynhneigðum í landinu.

Hér má sjá mótmæli háskólanemanna.