Sigmundur Davíð Gunnlaugsson, þingmaður og formaður Miðflokksins greinir frá því í dag að ríkisstjórnin sé nú orðin starfsstjórn/(bráðabirgðastjórn).
Almennt er ekki ætlast til þess að slíkar stjórnir taki pólitískar ákvarðanir.
Þingmaðurinn segir að skömmu eftir að starfsstjórnin tók við birtist dagskrá morgundagsins á Alþingi. „Þar eru allt í einu komin 13 ný stjórnarfrumvörp, og það frá stjórn sem gekk afar erfiðlega að leggja fram mál á meðan hún var hefðbundin ríkisstjórn.“ segir Sigmundur.
„Á slíkri starfsstjórn og reglulegri ríkisstjórn er nokkur eðlismunur. Starfsstjórn hefur í raun og veru fengið lausn en sér áfram, að beiðni forseta, um dagleg stjórnarstörf svo landið sé ekki með öllu stjórnlaust.”
„Ráðherrar gegna áfram starfi sem æðstu embættismenn hver á sínu sviði. Hins vegar gegna þeir ekki lengur pólitísku hlutverki með sama hætti sem regluleg ríkisstjórn. Þess verður ekki krafist af starfsstjórn [ekki er ætlast til] að hún móti sérstaka stjórnarstefnu eða standi fyrir stjórnarframkvæmdum til úrlausnar aðsteðjandi þjóðfélagsvandamálum.”