Ragnheiður Júlíusdóttir handboltakona og ein besta skytta landsins var í viðtali við Morgunblaðið í vikunni. Ragnheiður sem er 24 ára lýsir heilsuleysi sínu eftir að hafa fengið Covid: „Örmögn­un, ljós­fælni, mátt­leysi, vöðvaþreyta, kvíði, svimi og hraður hjart­slátt­ur eru meðal ein­kenna Ragnheiðar.“ Áður spilaði hún heilan leik án þess að blása úr nös en nú ræður hún varla við 10 mínútna göngutúr, sagði hún í Morgunblaðinu.

Hvort sem Ragnheiður hafi ekki minnst á það sjálf í viðtalinu, eða Morgunblaðið ekki spurt eða talið það skipta nokkru máli, þá hefur Ragnheiður fengið þrjár Covid sprautur.

Í samtali við Fréttina sagðist Ragnheiður vera þríbólusett og virtist vonsvikin yfir ráðaleysi lækna og sérfræðinga varðandi langvarandi eftirköst hennar.

En bíðum nú hæg? Hvernig var þetta nú aftur með „kraftaverkabóluefnið,“ ... „nammið“ hans Kára Stefánssonar, eins og hann kallaði það, sem átti í um 90% tilfella að koma í veg fyrir smit og „kveða faraldurinn í kútinn?“ Það myndaðist ekkert hjarðónæmi, alls ekkert. Þess í stað, náðu smit hér á landi metfjölda frá upphafi faraldurs og það eftir að um 90% fullorðinna landsmanna hafði verið sprautaður með efninu.

Þegar í ljós kom að þessi nýja tegund bóluefna, sem aldrei áður hafði verið notuð á mannfólki, myndaði ekki ónæmi, þá var sögunni breytt og okkur sagt að þau kæmu í veg fyrir alvarleg Covid veikindi. En er það svo? Hvers vegna er þá ung þríbólusett og áður hraust íþróttakona heilsulaus með "long -covid?" Og hún er ekki sú eina. Fréttablaðið sagði frá því í apríl að enn bærust vikulegar beiðnir um endurhæfingu á Reykjalundi vegna "long-covid."

Ekki var hægt að fá upplýsingar hjá Reykjalundi hvort beiðnirnar kæmu frá fólki sem væri bólusett eða ekki, stofnunin væri ekki með þær upplýsingar, en hugsanlega landlæknisembættið, var svarið. Aftur á móti má gera ráð fyrir því að flestir sem fara á Reykjalund séu sprautaðir miðað við hátt hlutfall bólusetninga hér á landi.

Þannig að þetta nýja lyf sem átti að enda faraldurinn kemur hvorki í veg fyrir smit né alvarleg veikindi.  Og ekki heldur dauða af völdum veirunnar. Sjálfur Þórólfur sóttvarnalæknir, þrísprautaður, sem síendurtekið hefur sagt bóluefnin koma í veg fyrir mikil veikindi (eftir að hann hætti að segja þau veita ónæmi), sagði pestina vera þá eina verstu sem hann hafi fengið.

Þekkingarleysi íslenskra lækna?

Læknar, þar á meðal læknar sem mæltu með Covid-sprautum, hafa ekki hugmynd hvað veldur. Engar skýringar á því hvers vegna ung og hraust kona hefur misst heilsuna eftir Covid smit þrátt fyrir þrjár bólusetningar. Kannski þekkingarskortur?

Getur verið að erlendir læknar sem reynt hefur verið að þagga niður í og þeir kallaðir samsæriskenningamenn og sagðir dreifa röngum upplýsingum, hafi eitthvað til síns máls?

Hvað til dæmis með úkraínska lækninn Dr. Vladimir Zelenko, sem varð þekktur fyrir Zelenko-protocol, snemmmeðferð við Covid sem meðal annars Trump fyrrum Bandaríkjaforseti var settur á þegar hann fékk sjúkdóminn. Zelenko hefur varað við Covid bóluefninu frá upphafi og segir Ísraela nú hafa þróað með sér alnæmi eftir allar sprauturnar.

Eða Dr. Robert Malone, uppfinningamann mRNA tækninnar sem notuð er í Covid bóluefni Pfizer og Moderna? „Við höfum mikið af rannsóknargögnum núna sem sýna fram á að þessi bóluefni, sérstaklega Covid RNA bóluefnin eyðileggi T-frumuviðbrögð ónæmiskerfisins. Þau valda áunnu ónæmisbrestsheilkenni [VAIDS - Vaccine Induced Aids]," segir Malone.

Eða belgíski bóluefnasérfræðingurinn Geert Vanden Bossche sem segir Covid bóluefnin vera árás á ónæmiskerfið?

Hafa þessir vísindamenn kannski rétt fyrir sér? Er búið að eyðileggja ónæmiskerfi fjölda Íslendinga? Og eru einhverjir þeirra að glíma við hjartavöðvabólgu? Var börnum, ungum og hraustum gefið lítt rannsakað efni vegna „sjúkdóms gamla fólksins?“

Þá hefur Lyfjastofnun Evrópu varað við tíðum Covid-bólusetningum þar sem þær geti veikt ónæmiskerfið. Þetta sagði stofnunin á blaðamannafundi í janúar sl., sama dag og ítalski forseti Evrópuþingsins, hinn 65 ára David Sassoli lést.  Það kom fram í frétt CNN að hann hafi látist vegna alvarlegrar truflunar í ónæmiskerfinu.

Vanþekking eða pólitík?

Í nýlegri þýskri rannsókn um aukaverkanir Covid bóluefna kemur fram hjá stjórnanda rannsóknarinnar, Dr. Harald Matthes, að læknar tengi ýmist ekki veikindin við bóluefnið sökum þekkingarleysis (nýir og annars konar sjúkdómar) eða treysta sér ekki til að „stíga inn í heitt pólitískt málefni.“ Þessi hámenntaði þýski læknir sagði með öðrum orðum að aukaverkanir af Covid bóluefnum væru heitt pólitískt mál.

Í vikunni sagði síðan útvarpskonan Jules Serkin hjá BBC fréttastöðinni, sem hlaut taugaskaða eftir AstraZeneca sprautu, að fjölmiðlum hafi verið bannað að tala um aukaverkanir af bóluefnunum.

Hvað er rétt og satt í þessum efnum mun eflaust kom fram einn góðan veðurdag, en samanburðarrannsókn á þeim sem hafa fengið bóluefnið og þeim sem hafa það ekki, gæti leitt ýmislegt í ljós.