Það sem skiptir máli í faraldri er ekki að loka fólk inni eða halda því frá hvert öðru heldur að veita þeim veiku snemmmeðferð (e.early treatment), segir bandaríski hjartalæknirinn og faraldsfræðingurinn Dr. Peter McCullough. Hann er mikill talsmaður snemmmeðferða og hefur sagt það brot á læknaeiðnum að veita Covid-sjúklingum ekki þess konar meðferð og láta þá liggja veika heima, nóg sé til að árangursríkum lyfjum.

Snemmmeðferðir draga úr dauðsföllum, ekki lokanir og takmarkanir eins og milljarðamæringurinn og helsti stuðningsaðili WHO, Bill Gates leggur til.

Ríki og þjóðir heims sem hafa lært að meðhöndla sjúklinga sína fljótt og snemma hafa komið best út úr faraldrinum, segir McCullough.

McCullough var spurður út í málið vegna hins nýja heimsfaraldurssáttmála sem WHO og aðildarríkin vinna nú að, þar sem WHO fær ákveðið vald yfir aðildarríkjunum og stjórnar ekki aðeins því hvað telst faraldur heldur einnig hvernig ríkin skuli bregðast við, hvaða aðgerðir skal fara í, hvaða takmörkunum skal beita, hvaða lyf og/eða bóluefni skal nota, o.s.frv.

Að mati McCullough ætti WHO aðallega að sinna tölfræði- og gagnaútgáfu en ekki stjórna sóttvarnaraðgerðum allra aðildarríkja, enginn faraldur eða smitsjúkdómur hagar sér heldur eins, sagði McCullough einnig.

Dæmi um snemmmeðferð er Zelenco protocol, (Donald Trump t.d. settur á hana). Meðferðin felur í sér ýmis bætiefni og vítamín auk Hydroxychloroquine (HCQ) og/eða Ivermectin.

Þrjú ríki Bandaríkjanna (Kansas, Tennessee og New Hamsphire) hafa nú eða eru við það að gera Ivermectin aðgengilegt í lausasölu.

Þýski evrópuþingmaðurinn Christine Andersen er ein þeirra sem hefur miklar áhyggjur af þessum breytingum á sáttmálanum og segir þær miða að því að veita WHO víðtækt framkvæmdarvald yfir aðildarríkjum sínum ef heimsfaraldur kemur upp, án aðkomu eða samráðs við innlend stjórnvöld eða þjóðþing. Skilgreining á því hvað telst heimsfaraldur er einnig á valdi stofnunarinnar og þarf ekki endilega að vera vegna veiru heldur t.d. offitu eða loftslagsmála.