Samkvæmt tölum Hagstofu Bretlands (ONS) létust alls 69.466 manns innan 28 daga frá Covid-19 bólusetningu frá janúar 2021 og til mars 2022 og 109.408 manns létust innan 60 daga frá bólusetningu á þessu sama tímabili í Englandi.

Til að réttlæta innleiðingu hinna öfgafullu takmarkana á frelsi almennings í nafni Covid-19, birti breska ríkisstjórnin daglega, með hjálp almennra fjölmiðla, fjölda Covid-19 dauðsfalla sem áttu að hafa átt sér stað dag hvern. Viðmiðunin sem notuð var þá, og er enn notuð, er að hvers kyns dauðsfall sem á sér stað innan 28 daga frá því að jákvæð niðurstaða í Covid prófi liggur fyrir er talið sem Covid-19 dauðsfall.

Þessi vafasama aðferð við að telja dauðsföll af völdum Covid-19 leiddi til þess að beiðnir voru sendar til ýmissa ríkisstofnana þar sem óskað var upplýsinga um þann fjölda fólks sem hafði látist innan 28 daga frá Covid-19 bólusetningu. Ef aðferð stjórnvalda til að telja Covid-19 dauðsföll er nægilega góð til að réttlæta eyðileggingu á skólagöngu barnanna, eyðileggja efnahagslífið og mannslíf, þá hlýtur hún að vera nógu góð til að telja Covid-19 bólusetningadauða, ekki satt?

Þann 16. maí 2022 birti ONS sjötta gagnasafnið um dauðsföll í Englandi eftir bólusetningastöðu og loksins inniheldur það fjölda dauðsfalla innan 28 daga frá bólusetningu.

Fjöldi dauðsfalla innan 28 daga frá bólusetningu

Eftirfarandi súlurit sýnir heildarfjölda dauðsfalla innan 28 daga frá Covid-19 bólusetningu í Englandi á milli 1. janúar 2021 og 31. mars 2022:

Eins og súluritið sýnir þá dóu samtals 7.953 manns vegna Covid-19 innan 28 daga frá bólusetningu og samtals dóu 61.513 manns af öðrum orsökum innan 28 daga frá bólusetningu. Þetta þýðir að alls létust 69.466 manns innan 28 daga frá Covid-19 bólusetningu á frá 1. janúar til 31. mars 2022.

Eftirfarandi súlurit sýnir dauðsföll innan 28 daga frá bólusetningu, sundurliðað eftir bæði aldri og fjölda vikna eftir bólusetningu:

Og súluritið hér neðar sýnir sömu dauðsföll innan 28 daga frá bólusetningu sundurliðað eftir aldri eingöngu:

Fjöldi dauðsfalla innan 60 daga frá bólusetningu

Næsta súlurit sýnir heildarfjölda dauðsfalla innan 60 daga frá Covid-19 bólusetningu í Englandi á milli 1. janúar 2021 og 31. mars 2022:

Eins og sjá má þá dóu alls 14.049 manns vegna Covid-19 innan 60 daga frá bólusetningu og samtals dóu 168.825 manns af öðrum orsökum innan 60 daga frá bólusetningu. Þetta þýðir að alls létust 178.874 manns innan 60 daga frá Covid-19 bólusetningu á tímabilinu frá 1. janúar 2021 og til 31. mars 2022 í Englandi.

Dauðsföll eftir bólusetningarstöðu frá janúar 2021 út janúar 2022

Rétt er að hafa í huga að þegar línuritið er skoðað að bólusetningarstaðan miðast við að 21 eða fleiri dagar séu liðnir frá því að viðkomandi einstaklingur var bólusettur. Græna línan sýnir dánartíðni meðal óbólusettra, sem hefur verið nokkuð stöðug. Hinar línurnar tákna hins vegar mismunandi bólusetningastöðu og þær eru áhyggjuefni vegna þess að dánartíðni er miklu hærri.

Mestur tölfræðilegur munur kemur fram í nóvember 2021. Dánartíðni meðal óbólusettra nam 33,4 dauðsföllum á hver 100.000 mannsár, en dánartíðni meðal tvíbólusettra nam 107. Munur upp á 220,4%. Hugsanlega er skýringin á þessum mikla mun varðandi tvíbólusetta er  sú að þarna hafi verið byrjað að gefa fólki örvunarskammt, en eins og kunnugt er telja stjórnvöld fólk ekki hafa fengið slíkan skammt fyrr en liðnir eru 14 dagar frá bólusetningunni þrátt fyrir að það látist á þessum fyrstu 14 dögum eftir að hafa fengið örvunarskammtinn.

Heimild.