COVID-19 örvunarskammtar drepa einn eldri borgara á hverja 800 gefna skammta og ætti að stöðva strax, segir Dr. Theo Schetter, hollenskur bóluefnasérfræðingur.
Dr. Schetters, sem hefur verið leiðandi í þróun fjölda bóluefna, hefur greint opinber gögn frá hollenska ríkinu og fundið mjög nána fylgni á milli þess þegar fjórði bóluefnaskammturinn var gefinn í landinu og fjölda umframdauðsfalla, eins og myndinni hér neðar sýnir.
Í Hollandi voru örvunarskammtar gefnir á mismunandi svæðum yfir nokkra vikna tímabil og auðveldaði því greiningu eftir svæðum, sem staðfestir þessi áhrif bóluefnanna.
Dr. Schetters, sem er handhafi heiðursverðlauna lyfjafræðideildar háskólans í Montpellier í Frakklandi, sagði við Dr. Robert Malone, uppfinningamann mRNA tækninnar sem notuð er í Covid bóluefnum, að læknar sjái nú „alls kyns einkenni og sjúkdóma sem þeir þekkja ekki“ og að „í Hollandi sé nú ljóst að mikil fylgni sé á milli fjölda bólusetninga og fjölda dauðsfalla í vikunni eftir bólusetningu.“ Það er nauðsynlegt að skoða dánartíðni af öllum orsökum, sagði hann, þar sem bóluefnið „hefur möguleg áhrif á öll líffæri llíkamans.“
Sprautuefnin hafa sem sagt mögulega áhrif á öll líffæri. Það er það sem læknar eru að sjá núna og þar sem skaðleg áhrif eru ekki aðeins af einni tegund, heldur geta verið hvað sem er, er tölfræðin hvað þetta varðar erfið.
Þess vegna skoðum við „dánartíðni af öllum orsökum,“ og í Hollandi er nú mjög ljóst að það er sterk fylgni á milli fjölda bólusetninga og fjölda dauðsfalla innan viku þar á eftir. Segjum að við höfum gefið 10.000 bóluefnaskammta í þessari viku og umframdauðsföll séu 125 í þeirri viku. Fylgnin er sláandi, sagði Schetters, að því marki að ef við erum með fleiri bólusetningar í einni vikunni þá erum við líka með fleiri umframdauðsföll og að sama skapi, ef það eru færri bólusetningar í vikunni, þá eru færri dauðsföll.
Dr. Schetters segist hafa skrifað forstjóra Heilbrigðisstofnunarinnar í Hollandi til að gera honum viðvart um niðurstöðurnar. Nánar um greiningar og niðurstöður Schetters má lesa hér.