Á sunnudaginn birti Twitter notandinn Michelle, sem kveðst bóluefnasködduð, „hlið við hlið“ samanburð af vefsíðu Sóttvarnarstofnunar Bandaríkjanna (CDC) eins og hún er núna og eins og hún var, áður en CDC breytti henni varðandi líftíma gaddapróteins mRNA sprautuefnanna í líkama fólks eftir inndælingu.

Hún skrifaði á Twitter með samanburðarmyndunum: „Ég vildi að ég gæti hreinsað gaddapróteinið úr #bóluefnisskaddaða kerfinu mínu eins auðveldlega og @CDCgov hreinsar vefsíðu sína.“

Hin trausti rúna Sóttvarnarstofnun Bandaríkjanna, sem hefur vaðið út og suður í leiðbeiningum sínum varðandi Covid-19, virðist hafa í skjóli myrkurs fjarlægt upplýsingarnar sem voru á vefsíðu stofnunarinnar og var ætlað að fullvissa lesendur um að hættulega gaddapróteinið yrði ekki lengi eftir í líkamanum eftir inndælingu mRNA sprautuefnanna.

Með breytingunni á vefsíðunni hefur CDC í raun tekið undir staðhæfingar ýmissa sérfræðinga og lækna sem lýst hafa miklum áhyggjum vegna mRNA sprautuefnanna og hins hættulega gaddapróteins. Hefur t.d. Dr. Peter McCullough sagt gaddapróteinið valda sjúkdómum.

Þá birti Fréttin nýlega grein um rannsóknir sem staðfesta að mRNA sprautuefnin geti valdið æða- og líffæraskemmdum og gaddapróteinið getið dvalið lengi í líkamanum og dreifst um hann, þvert á það sem áður sagði á heimasíðu CDC .

Fjölmiðillinn LifeSiteNews leitaði á mánudag eftir skýringum hjá CDC á breytingunni á vefsíðunni. Á þriðjudag svaraði talsmaður CDC í tölvupósti og sagði að upplýsingarnar hafi verið fjarlægðar við hefðbundna endurskoðun á síðunni, sem hafi verið gerð til að „að tryggja að við höfum samræmdar og uppfærðar ráðleggingar.“

Með svari sínu til LifeSiteNews staðfestir CDC að fyrri upplýsingar á heimasíðunni um að gaddapróteinið yrði ekki lengi eftir í líkamanum stóðust ekki frekari skoðun eins og reynslan af notkun mRNA bóluefnanna hefur leitt í ljós.

Gríðarleg umframdauðsföll í „fjöldabólusettum“ ríkjum

Gríðarleg umframdauðsföll hafa orðið í ríkjum þar sem fjöldabólusetningar hafa farið fram með C-19 „bóluefnunum“ þar á meðal á Íslandi.

Þá sagði handhafi heiðursverðlauna lyfjafræðideildar háskólans í Montpellier í Frakklandi, Dr. Theo Schetters, nýlega að læknar sjái nú „alls kyns einkenni og sjúkdóma sem þeir þekkja ekki“ og „í Hollandi sé nú ljóst að mikil fylgni sé á milli fjölda bólusetninga og fjölda dauðsfalla í vikunni eftir bólusetningu.“ Það er nauðsynlegt að skoða dánartíðni af öllum orsökum, sagði hann, þar sem bóluefnið „hefur mögulega áhrif á öll líffæri líkamans.“

Hvort „fjöldabólusetningarnar“ muni valda 60 milljónum umframdauðsfalla aðeins á árinu 2022 eins og spáð hefur verið og Fréttin fjallaði um á eftir að koma í ljós.

Að CDC hafi loks viðurkennt að stofnunin hafi haldið því ranglega fram að hið lífshættulega gaddaprótein dveldi skamma stund í líkamanum eftir inndælingu er enn ein staðfestingin á því almenningur hafi verið blekktur til að þiggja þessi svokölluðu bóluefni við Covid-19.

Byggt á frétt LifeSiteNews.