Virtir vísindamenn telja „C-19 bóluefnin“ allt að 100 sinnum verri en veiruna sjálfa

frettinErlent, Rannsókn1 Comment

Hópur níu virtra sérfræðinga frá Harvard, Johns Hopkins, Oxford sem og öðrum þekktum háskólum hefur birt rannsókn sem ætti að breyta hugmyndafræðinni um virkni og öryggi COVID-19 bóluefnanna.

Rannsóknin sem tók sérstaklega fyrir bólusetningaskyldu ungs fólks í háskólum í Bandaríkjunum staðfesti að mati rannsakenda hvers vegna það er siðferðislega óréttlætanlegt að skylda háskólanema til að vera „bólusettir“ með C-19 sprautuefnum.

Rannsóknin var birt í The Social Science Research Network (SSRN) núna í september, undir yfirskriftinni: "COVID-19 Vaccine Boosters for Young Adults: A Risk-Benefit Assessment and Five Ethical Arguments against Mandates at Universities".

Rannsóknin sýnir að C-19 „bóluefnin“ séu jafnvel 98 sinnum verri en veiran sjálf og því sé það siðferðislega óréttlætanlegt að skylda háskólanema til að fara í „örvunarbólusetningu“ til að mega stunda nám.

Með því að rýna í gögn frá Sóttvarnarstofnun Bandaríkjanna (CDC) um tilkynntar aukaverkanir af C-19 „bóluefnunum“ komust rannsakendurnir að þeirri niðurstöðu að skylda háskólanema til að fá „örvunarskammt“ geti leitt til meiri skaða en gagns.

22.000 til 30.000 þurfa að vera „bólusettir“ til að koma í veg fyrir eina sjúkrahúsinnlögn, en...

Skortur á virkni „bóluefnanna“ er mikið áhyggjuefni rannsakenda. Við greiningu gagnanna frá Sóttvarnarstofnun Bandaríkjanna, áætluðu þeir að á milli 22.000 og 30.000 áður ósmitaðir ungir einstaklingar þyrftu að fá örvunarskammt með mRNA „bóluefni“ til að komið væri í veg fyrir eina sjúkrahúsinnlögn.

Við þetta mat var ekki tekið tillit til verndar sem fyrri sýking veitir. Svo rannsakendurnir tóku fram að þetta mat væri líklega of bjartsýnt, með öðrum orðum að C-19 „bóluefnin“ væru í raun vitagagnslaus.

En skortur á verkun „bóluefnanna“ er aðeins hluti af vandamálinu. Rannsakendur komust ennfremur að því að fyrir hverja einustu COVID-19 sjúkrahúsinnlögn sem komið væri í veg fyrir hjá ungum fullorðnum einstaklingum sem ekki höfðu áður smitast af COVID-19, sýndu gögnin að 18 til 98 „alvarlegar aukaverkanir“ yrðu af völdum sjálfra „bóluefnanna“ sem krefðust svo sjúkrahúsinnlagna.

Meðal þessara alvarlegu aukaverkana væru allt að þrisvar sinnum fleiri tilfelli hjartavöðvabólgu vegna örvunarskammta hjá ungum körlum en þær sjúkrahúsinnlagnir sem hugsanlega væri komið í veg fyrir og allt að 3.234 tilvik annarra aukaverkana svo alvarlegar að þær trufla eðlilegt daglegt líf hinna „örvuðu“.

Ekki eðlilegt gagnsæi - óafsakanlegt að brjóta gegn einstaklingsfrelsi

Rannsakendur taka fram að skaðabætur fyrir alvarlegan Covid-19 bóluefnistengdan skaða í Bandaríkjunum sé ófullnægjandi og sem slík eru þessi alvarlegu brot á einstaklingsfrelsi siðferðilega óafsakanleg.

Það sem verra er, bólusetningaskylda er tengd víðtækari félagslegum skaða. Sú staðreynd að slík stefna var innleidd víða þrátt fyrir deilur meðal sérfræðinga og án þess að uppfærð væri eina opinbera áhættu- og ávinningsgreininguna vegna núverandi Omicron afbrigðis bendir til mikillar skorts á gagnsæi í stefnumótun þegar kæmi að vísindum og pólitískri ákvarðanatöku.

Rannsakendur sögðu niðurstöður sínar taka einnig til reglna um bólusetningaskyldu sem settar hefði verið annars staðar eins og í skólum, fyrirtækjum, heilbrigðiskerfinu og hernum. Þeir sem settu slíka skyldu ættu að afnema bólusetningaskyldu fyrir ungt fullorðið fólk tafarlaust og tryggja skaðabætur til þeirra sem hafa orðið fyrir neikvæðum afleiðingum af þessari stefnumótun.

Hugrekki rannsakenda aðdáunarvert - eiga skilið hvatningu og stuðning

Athygli hefur vakið að rannsakendur frá þessum þekktu háskólum skuli nú hafa hugrekki til að stíga fram og taka afgerandi afstöðu gegn hinum svonefndu „bóluefnum“ við Covid-19, vegna þess að þau virka ekki og eru beinlínis hættuleg.

Tveir fyrstnefndu rannsakendurnir, Dr. Kevin Bardosh og Allison Krug, sáu báðir ástæðu til að þakka fjölskyldum sínum fyrir að styðja þá til að „mótmæla opinberlega bólusetningarskyldu með C-19 bóluefnum,“ eins og lesa má um í rannsókninni.

Rannsakendurnir eru fullkomlega meðvitaðir um þá persónulegu og faglega áhættu sem fylgir því að koma svona fram og fyrir það eiga þeir skilið hvatningu og stuðning okkar allra.

Fréttin er m.a. byggð á grein í The Epoch Times.

One Comment on “Virtir vísindamenn telja „C-19 bóluefnin“ allt að 100 sinnum verri en veiruna sjálfa”

  1. Það er gott að sumir sérfræðingar skuli sjá sóma sinn að rannsaka skaðsemi svokallaðra ´bóluefna´ gegn Covid. Þetta veit ég reyndar – og líklega flestir aðrir – þekki nokkra sem hafa upplifað mjög slæmar aukaverkanir.

Skildu eftir skilaboð