Sænski miðillinn Nya Dagbladet birti skjöl sem virðast ganga út á leynilega áætlun Bandaríkjanna um að valda hruni á evrópska efnahagssvæðinu með stríðinu í Úkraínu sem myndi leiða til orkukreppu. Útvarp Saga segir einnig frá málinu í dag.

Bandaríska hugveitan RAND er með 1.850 starfsmenn og fjárhagsáætlun upp á 350 milljónir dollara og gegnir því hlutverki að „bæta stefnu og ákvarðanatöku með rannsóknum og greiningu.“ Hugveitan tengist varnarmálaráðuneyti Bandaríkjanna og var þekkt fyrir að hafa áhrif hernaðarmálastefnu Bandaríkjanna í kalda stríðinu.

Í skjali undirritað af RAND með fyrirsögninni „Draga úr valdi Þýskalands, efla Bandaríkin“ er talið að „brýn þörf“ sé á innstreymi fjármagns erlendis frá til að viðhalda bandarísku efnahagslífi og þá „sérstaklega bankakerfinu.“

„Einungis Evrópulönd sem eru bundin af skuldbindingum Evrópusambandsins og NATO geta veitt okkur þetta án verulegs hernaðar- og stjórnmálalegs kostnaðar.“

Helsta hindrunin er aukið sjálfstæði Þýskalands samkvæmt RAND. Bent er á að Brexit hafi veitt Þýskalandi aukið sjálfstæði og gert Bandaríkjamönnum erfiðara fyrir að hafa áhrif á ákvarðanatöku meðal evrópskra stjórnvalda.

„Ef Þýskaland og Frakkland vinna saman munu þau ekki einungis verða efnahagslegur keppinautur Bandaríkjanna, heldur einnig pólitískur.“

Aðalmarkmið er fyrst og fremst að eyðileggja samstarf Þýskalands og Rússlands og einnig Frakklands, sem talið er stærsta efnahagslega og pólitíska ógn Bandaríkjanna.

Eini möguleikinn: „Draga báða aðila inn í stríð í Úkraínu“

Til að stöðva þessari pólitísku ógn er lagt fram stefnumótandi áform, sem byggist aðallega á því að eyðileggja hagkerfi Þýskalands. Markmiðið er að draga ríki Evrópu inn í stríð:

„Að stöðva orkusölu Rússa mun valda kerfisbundinni kreppu sem væri skelfileg fyrir þýskan efnahag og óbeint fyrir allt Evrópusambandið. Eini möguleikinn til að tryggja það að Þýskaland sniðgangi rússneska orku er að draga báða aðila inn í stríðsátökin í Úkraínu. Áframhaldandi aðgerðir okkar í því ríki munu óhjákvæmilega leiða til hernaðar Rússa. Rússar ætla augljóselga ekki að gefast upp fyrir gríðarlegum þrýstingi úkraínska hersins í Donbass án hernaðaraðgerða. Það opnar möguleikann á að kynna Rússland sem árásaraðilann og beita síðan allri refsiaðgerðaráætluninni sem þegar er til staðar.“

Grænu flokkarnir munu sjá til þess að Þýskaland „gangi í gildruna“

Grænum flokkum í Evrópu er lýst sem kjánum sem auðvelt sé að stjórna og láta þá ganga erinda Bandaríkjanna:

„Forsenda þess að Þýskaland gangi í gildruna er helsta hlutverk grænna flokka og hugmyndafræði í Evrópu. Þýska umhverfishreyfingin er bókstafstrúuð, ef ekki ofstækisfull hreyfing, sem gerir það auðveldara að fá þá til að hunsa efnahagslegu rökin“ segir í skjalinu, þar sem núverandi utanríkisráðherra Þýskalands, Annalena Baerbock og loftslagsráðherrann, Robert Habeck, eru nefnd sem dæmi um slíka einfalda stjórnmálamenn.

„Persónueiginleikar og vöntun á fagmennsku gera það mögulegt að hægt er að gera ráð fyrir, að það sé útilokað fyrir þá að viðurkenna sín eigin mistök. Þannig mun það duga að skapa fjölmiðlamynd af innrásarstríði Pútíns fljótlega til að gera Græningja æsta og harða stuðningsmenn refsiaðgerða – að gera þá að „stríðsflokki.“ Það mun opna möguleikann á því að innleiða viðurlög án nokkurra hindrana.“

Baerbock hefur meðal annars orðið vinsæal fyrir að lýsa því yfir að hún muni áfram stöðva kaup á rússneskri orku, jafnvel yfir vetrartímann og alveg óháð því hvað kjósendum hennar kann að  finnast um málið og hvaða afleiðingar það hefur fyrir Þjóðverja. Hún sagði nýlega á ráðstefnu í Prag:

„Við stöndum með Úkraínu og það þýðir að refsiaðgerðinum verður viðhaldið, líka yfir vetrartímann, þrátt fyrir að það verði mjög erfitt fyrir stjórnmálamenn.“