Læknar á Ítalíu skoðuðu blóð einstaklinga sem höfðu verið sprautaðir með mRNA COVID-19 „bóluefni“ og fundu aðskotaefni í því löngu eftir að hafa fengið sprauturnar. Þetta kemur fram í nýlegri rannsókn.

Læknarnir þrír, sem allir eru skurðlæknar; Franco Giovannini, Riccardo Benzi Cipelli og Giampaolo Pisano, skoðuðu nýtekið blóð úr meira en þúsund einstaklingum með beinni athugun undir smásjá til að sjá hvað væri að gerast í blóðinu.

Niðurstöður þeirra voru birtar í International Journal of Vaccine Theory, Practice and Research í ágúst 2022.

Í rannsókninni notuðu ítölsku læknarnir smásjá til að rannsaka blóðið. Blóðfrumur sjást auðveldlega í smásjá. Lögun þeirra, gerð og hvernig og hvort þær væru samfastar, klumpaðar saman, getur hjálpað hæfum lækni til að skilja betur heilsu sjúklingsins.

Í 60 blaðsíðna ritrýndri rannsókninni drógu ítölsku vísindamennirnir engar ályktanir. Þeir tilkynntu bara tilvikin frá athugunum sínum.

Þrátt fyrir að þeir gætu ekki útskýrt það sem þeir tóku eftir, tóku þeir fram í rannsókninni að það sem þeir hefðu séð væri svo undarlegt að þeir töldu þörf á að gera læknasamfélaginu viðvart.

Óeðlilegt blóð og heilsufarsvandamál

Af þeim 1.006 einstaklingum sem þeir skoðuðu blóðið úr voru 426 karlar og 580 konur. 141 hafði aðeins fengið einn skammt af mRNA bóluefni, 453 fengið tvo skammta og 412 fengið þrjá skammta alls.

Að meðaltali höfðu þessir einstaklingar verið sprautaðir með mRNA bóluefnunum um mánuði áður en blóðið var skoðað. Þá var aldur þeirra á bilinu 15 til 85 ára og meðalaldur þeirra 49.

Allir þessir 1.006 einstaklingar áttu það sameiginlegt að hafa leitað sér læknisþjónustu vegna vanlíðunar, en þeir glímdu við margvísleg heilsufarsvandamál.

Af þessum 1.006 sjúklingum, voru aðeins um 5 prósent, 58 manns, með blóð sem leit eðlilega út eftir að hafa fengið mRNA sprautuefni.

Læknarnir höfðu haft möguleika á að rannsaka blóð 12 sjúklinga áður en þeir höfðu fengið mRNA sprautur. Allir þessi 12 sjúklingarnir voru með eðlilegt, og heilbrigt blóð, áður en þeir voru sprautaðir, að sögn vísindamannanna.

Rannsóknin leiddi í ljós að 94% sjúklinganna sem skoðaðir voru í þessari rannsókn og sem fengið höfðu einkenni eftir mRNA sprautuefnin, voru með óeðlilegt blóð.

Hér ofar má sjá samanburð af blóði sjúklings fyrir og eftir bólusetningu. Fyrir bólusetningu (vinstra megin) eru rauðu blóðkornin aðskilin frá hvert öðru og eru kringlótt, en blóðið sem tekið er eftir bólusetningu (hægra megin) sýnir rauð blóðkorn sem eru aflöguð og þau hópast saman í storknun í kringum sýnilegt aðskotaefni sem ekki var til staðar áður.

Sprautuefnin virðast innihalda grafen sem ekki er í innihaldslýsingu

Eitt af efnunum sem greindist í menguðum blóðsýnum þeirra sem sprautaðir höfðu verið með mRNA efnunum virðist vera grafen, en frumeindir þess raða sér í sexhyrninga og mynda flöt kristalform. Grafen er tæknilega séð ekki málmur, en það hegðar sér eins og málmefnasamband.

Þó að rannsakendur hafi ekki getað staðfest að það sem þeir sáu væri grafen, bentu þeir á að grafen gæti safnast saman í form svipað því sem læknarnir sáu.

Grafen er framandi efni sem notað er í lyfjaiðnaðinum, t.d. bóluefnasprautum. Hins vegar er það ekki á lista yfir innihaldsefni Covid-19 mRNA sprautefna.

Þrátt fyrir að þessi nýjasta rannsókn hafi ekki prófað sérstaklega fyrir grafen, skrifuðu höfundarnir að grafen gæti verið það sem veldur því að „bólusettir“ séu að fá banvæna blóðtappa.

Þessar vangaveltur vekja upp fleiri spurningar en svör, þar sem hvorki grafen né önnur málmsambönd áttu að hafa verið notuð í bóluefnin. Þá er eðlilegt að spurt sé hvers vegna voru yfir 950 manns sem fundu fyrir heilsufarsvandamálum eftir „bólusetningu“ með aðskotaefni í blóði sínu?

Fleiri rannsóknir hafa fundið aðskotahluti í blóði sprautaðra

Rannsókn frá Kóreu frá þessu ári sýnir að mRNA sprautað blóð inniheldur málmhluti sem miðað við innihaldslýsingu „bóluefnisins“ ætti ekki að vera til staðar í því.

Kóresku vísindamennirnir greindu blóðsýni frá átta einstaklingum sem höfðu fengið mRNA COVID-19 sprautuefni og tveimur einstaklingum sem ekki höfðu fengið nein COVID-19 sprautuefnu. Kom fram hjá vísindamönnunum að gögn bentu til þess að þessi framandi efni héldust í líkama fólks löngu eftir að það hafði verið sprautað með mRNA efnunum.

Þá sagði sagði Fréttin nýlega frá enn einni rannsókninni sem sýndi fram á skaða á æðum og líffærum eftir mRNA sprautuefnin.

Blóðtappavandamál þekkt eftir sprauturnar

Myndun blóðtappa er eitt af einkennandi fylgikvillum eftir COVID-19 sprautur.

Í ítölsku rannsókninni var viðfangsefnið fólk sem hafði nýlega verið sprautað með mRNA sprautuefnunum og í kjölfarið höfðu heilsufarsvandamál komið upp hjá því. Það sem kom út úr rannsókninni bendir til þess að þessi breyting í blóðinu og óeðlileg storknun blóðkornanna gæti verið stór hluti af því hvers vegna læknar sjá svo mörg óvenjuleg heilsufarsvandamál eftir Covid-19 sprautur.

Þá eru þekkt dæmi um að stórir blóðtappar hafi fundist í líkömum fólks sem látist hefur eftir að bólusetningarherferðin hófst.

Fréttin sagði í byrjun þessa árs frá því sem útfararstjórinn Richard Hirschman hafði orðið vitni að í starfi sinu eftir að fjöldabólusetningarnar gegn Covid-19 hófust.

Hirschman hafði orðið vitni að „óeðlilega samsettum blóðtöppum með undarlegum trefjaefnum“ sem höfðu fyllt æðakerfið algjörlega og stíflað slagæðar og bláæðar þeirra látnu. Þetta hafði Hirschman aldrei séð áður á sinni 20 ára starfsævi, fyrr en bera fór á þessu fyrirbæri upp úr miðju árinu 2021, þegar sprautuherferðin hafði staðið í um hálft ár.

Byggt á umfjöllun The Epoch Times.