Sóttvarnarstofnun Bandaríkjanna (CDC) útbjó "v-safe" snjallsímaforrit til að safna heilsufarsupplýsingum eftir Covid-19 bólusetningar. Um það bil 10 milljónir manna sóttu forritið og sendu inn tilkynningar eftir að hafa fengið Covid-19 sprautur.

Til að gera þessi gögn opinber, notuðu bandarísku samtökin ICAN (Informed Consent Action Network) lögfræðiteymi sitt til að fá gögnin afhent. Eftir að hafa stefnt CDC tvisvar gafst CDC upp og ákvað að una dómsúrskurðinum sem krafðist þess að gögnin yrðu látin í té.

ICAN hefur nú tekið þessi opinberu hráu gögn frá CDC og búið til gagnagrunn sem gerir notendum kleift að skoða á myndrænan hátt rúmlega 144 milljónir atriða af heilsufarsgögnum sem fengust afhent með málsókninni.

Vikuleg sundurliðun á "v-safe" gögnunum verða í vikulegum fréttaþætti á The HighWire, og hefjast fimmtudaginn 6. október 2022 kl. 14:00 (EST).

Lögmaður samtakanna, Aaron Siri, segir í sjónvarpsviðtali sem fylgir hér neðar að 7,7% af þeim 10 milljónum sem notuðu símaforritið hafi þurft á læknishjálp að halda eftir sprautunar og 25% hafi misst úr vinnu eða orðið fyrir alvarlegum áhrifum sem röskuðu venjubundnu lífi þeirra.

Lögmaðurinn rifjaði upp að Covid-bóluefnin hafi átt að koma í veg fyrir veikindi og vill meina að þetta hlutfall veikra sem gögnin sýna sé mjög hátt.

Viðtalið má horfa á hér: