Bandaríkjastjórn hefur keypt birgðir af lyfinu NPLATE frá fyrirtækinu Amgen, (eigandi Íslenskrar Erfðagreiningar), aðeins nokkrum vikum eftir að Vladimir Pútín hótaði að nota kjarnorkuvopn gegn Vesturlöndum. Þetta er í fyrsta sinn sem Bandaríkjastjórn kaupir lyfið.

Embættismenn sögðu að samningurinn sem hljóðaði upp á 290 milljónir dollara, eða um 35 milljarðar ísl. kr. væri „hluti af áframhaldandi verkefni“ og að kaupunum „hefði ekki verið flýtt“ vegna stigmagnandi orðræðu frá Kreml.

Tímasetningin mun þó líklega vekja upp spurningar í ljósi þess að þetta er í fyrsta skipti sem Bandaríkjastjórn kaupir NPLATE.

Óljóst er hve margir skammtar eru í pöntuninni, en lyfjaskammturinn kostar venjulega á milli $ 1.000 og $ 2.500.

Bandaríska heilbrigðis- og mannauðsþjónustan (HHS) - sem hefur einkunnarorðin: „bæta heilsu, öryggi og vellíðan Bandaríkjanna - tilkynnti um kaupin á Romiplostim á þriðjudag sem er selt undir vörumerkinu NPLATE og er notað til að draga úr blæðingum af völdum bráðrar geislaveiki (ARS), einnig þekkt sem geislasjúkdómur (e. radiation sickness).

Pútín sendi frá sér viðvörun seint í síðasta mánuði um að hann væri reiðubúinn að nota kjarnorkuvopnabúr Rússlands til að vernda úkraínskt landsvæði eftir atkvæðagreiðsluna.

Daily Mail sagði frá.