Króatíski Evrópuþingmaðurinn Mislav Kolakusic sagði í morgun, 12. október, að kaup Evrópusambandsins á of mörgum „óprófuðum“ skömmtum af Covid bóluefni jafngilti „stærsta spillingarmáli í sögu mannkyns.“

„Kaup á 4,5 milljörðum skammta af Covid-19 bóluefninu fyrir 450 milljónir ESB íbúa er stærsta spillingarmál í sögu mannkyns,“ segir sagði þingmaðurinn.

Í myndbandi sem hann birti á Twitter í sagði hann: „Frú von der Leyen, forseti framkvæmdastjórnar Evrópusambandsins, þekkt sem 4,5 milljarða skammta frúin.“

„Í dag spurðu tíu af okkar þingmönnum hana eftirfarandi spurningar: Hvenær ætlar hún [Ursula von der Leyen] að kynna fyrir okkur, þingmönnum Evrópuþingsins, sem og ESB-borgurum, sem hún á að vera fulltrúi fyrir, samskiptin sem hún átti við Pfizer um kaupin á 4,5 milljörðum skömmta, sem á þeim tíma voru nákvæmlega engin sönnun til staðar fyrir virkninni, og sérstaklega ekki um skaðsemi vörunnar.“

Hann bætti við: „Ímyndið ykkur, fjóra og hálfan milljarð skammta fyrir 450 milljónir manns.“

„Bretland er ekki lengur með okkur, svo við erum ekki það mörg.“

„Miðað við þennan fjölda ætti hvert barn, nýfætt, að fá tíu skammta af einhverju sem enginn í heiminum, nema kannski tvær eða þrjár manneskjur, vita hvert innihaldið er.

„Þetta snýst um leynd, vernduð einkaleyfi.“

„Ekki láta ykkur detta það í hug að einhver ríkisstjórn eða evrópsk stofnun viti nákvæmlega hvað er í þessari vöru,“ bætti hann við.

„Það veit það enginn. Og enginn segir ykkur það. Þeir samþykktu bóluefnið, þessa lyfjavöru, aðeins byggt á yfirlýsingum lyfjafyrirtækjanna.“

„Þeir fengu ekki að sjá neinar læknisfræðilegar rannsóknir. Hingað til hafa engar læknisfræðilegar rannsóknir verið afhentar meðlimum Covid-nefndar Evrópuþingsins eða Evrópsku lyfjastofnunni, engum.“

„Hvernig er það mögulegt?“ spurði þingmaðurinn. „Við erum að tala um spillingu hér: Að kaupa 4,5 milljarða skammta með það fyrir augum að sprauta þeim í fólk, án þess að nokkur viti hvert innihaldið er, er vissulega stærsta hneyksli og spilling í sögu mannkyns, ekki aðeins í sögu ESB,“ sagði Kolakusic að lokum.

Aldrei prófað hvort sprautuefnin kæmu í veg fyrir smit

Í gær fóru fram yfirheyrslur í Evrópuþinginu á vegum Covid nefndar, þar sem forstjóri Pfizer Albert Bourla átti að vera viðstaddur. Hann mætti aftur á móti ekki en sendi fulltrúa fyrir sig sem staðfesti að það hafi aldrei verið prófað hvort Covid „bóluefnin“ kæmu í veg fyrir dreifingu veirunnar.

Myndbandið má sjá hér: