Eftir að stjórnandi hjá Pfizer upplýsti á Evrópuþinginu þann 10. október sl. að aldrei hefi verið prófað hvort Covid-19 „bóluefni“ fyrirtækisins stöðvuðu útbreiðslu smita, sagði króatíski Evrópuþingmaðurinn Mislav Kolakusic að kaup Evrópusambandsins á of mörgum „óprófuðum“ skömmtum af Covid bóluefni jafngilti „stærsta spillingarmáli í sögu mannkyns.“

Í gær sendi hann síðan frá sér upptöku þar sem hann segir að Evrópusambandið ætti undireins að segja upp samningum um kaup á fölsuðum bóluefnum: „Hundruð milljóna manna um allan heim hafa á síðustu tveimur dögum séð á samfélagsmiðlum svar stjórnanda Pfizer við spurningu samstarfsmanns míns, Rob Ross: Hefur bóluefnið verið prófað með tilliti til þess hvort það komi í veg fyrir smit veirunnar? Hann fékk bein svör um að slíkar prófanir hefðu ekki farið fram. Engar bóluefnaprófanir fyrir smiti veirunnar hafa verið framkvæmdar. Ennfremur, í ljósi þess að út frá fyrirliggjandi gögnum, einkum gögnum NHS (National Health Services) á Bretlandi, sem heldur úti nákvæmri tölfræði um fjölda veikra, spítalainnlagna og andláta samkvæmt svokallaðri bólusetningarstöðu; 1,2,3,4 skammtar og óbólusettir, þá er alveg ljóst að enginn munur er á sýkingu, veikindum og dauða af völdum Covid á svokölluðum „bólusettum“ og óbólusettum sjúklingum.“

„Því er nauðsynlegt að segja strax upp samningi um afhendingu á frekari skömmtum, þar sem lyfjaframleiðendur hafa selt okkur fölsuð bóluefni. Fara skal fram á endurgreiðslu upp á 2,5 milljarða evra sem hafa verið greiddar hingað til og lögsækja Pfizer og fleiri. Annars erum við þátttakendur í þeim glæp að kynna fölsuð lyf og skaða fjárlög ESB upp á 71 milljarð evra sem Von der Leyen hefur skuldbundið sig til að greiða lyfjafyrirtækjum fyrir hönd okkar allra. Spurning mín er; Hvenær ætlið þið að segja upp samningunum? Þakka ykkur fyrir.“

Vill upplýsingar um lygar opinberra persóna um „bóluefnið“

Evrópuþingmaðurinn Christian Tehres skrifaði síðan færslu á Twitter í gær þar sem hann óskar eftir aðstoð við að safna upptökum og fullyrðingum opinberra persóna sem hafa haldið því fram að Covid „bóluefnin“ stöðvuðu smit/útbreiðslu veirunnar því „lygar þeirra og rangar upplýsingar þarf að opinbera.“ (sjá neðar).

Fjöldi manns setti inn upplýsingar undir færsluna, meðal annars fullyrðingu forstjóra Pfizer um að gefa þyrfti börnum „bóluefnið“ til að stöðva útbreiðslu smita.

Fullyrðingu Kára Stefánssonar um að þriðja fasa rannsóknir Pfizer hafi sýnt að „bóluefnið“ hafi í 90% til­vika komið í veg fyr­ir Covid-19-smit, var komið fyrir undir færslu þingmannsins.  

Þá var Tehres einnig bent á fullyrðingar Þórólfs Guðnasonar, fyrrv. sóttvarnalæknis Íslendinga, frá því í desember 2021 um að „ástæðan fyrir aukningu smita síðustu daga væri einkum fjölgun smita hjá óbólusettum börnum og fullorðnum og að greinilegt væri að bólusetning með örvunarskammti og bólusetning barna á aldrinum 12-15 ára verndaði vel gegn smiti.“

Myndband Mislav og færslu Tehres má sjá hér neðar: