Dr. William Makis MD, læknir og sérfræðingur í krabbameinslækningum, skrifaði bréf til kanadísku læknasamtakanna (CMA) á laugardag, þar sem hann óskaði þess að samtökin tækju til skoðunar þá skyndilegu aukningu dauðsfalla meðal kanadískra lækna eftir að C-19 bólusetningaskyldu var innleidd fyrir heilbrigðisstarfsfólk.
Dr. Makis starfaði m.a. hjá stofnuninni Cross Cancer Institute í Edmonton, Alberta, í Kanada þar sem hann rak stærstu krabbameinsmeðferðaráætlun í Norður-Ameríku. Dr. Makis er einnig höfundur yfir 100 ritrýndra læknagreina.
Í bréfi sínu til læknasamtakanna lýsti Makis því ítarlega að rannsókn ætti að fara fram varðandi ótímabær dauðsföll kanadískra lækna eftir inndælingu á COVID-19 „bóluefnum“ í landinu.
„Greining okkar sýnir að dauðsföll kanadískra lækna undir 50 ára aldri árið 2022 verða tvöfalt hærri miðað við 2019-2020. Það er átakanlegt að dauðsföll lækna undir 40 ára aldri séu 5 sinnum hærri og dauðsföll lækna undir 30 ára 8 sinnum hærri,“ sagði Makis.
Samkvæmt færslu Makis á GETTR, styrktu kanadísku læknasamtökin ráðstefnuna „2022 ICPH – International Conference on Physician Health“ sem haldin var 13.-15. október 2022 í Orlando, Flórída. Þar hittast læknar frá Kanada, Bandaríkjunum og Bretlandi.
„Margt var rætt á þessari ráðstefnu, en það eina sem EKKI var rætt var hversu margir ungir kanadískir læknar hafa dáið skyndilega og óvænt eftir að fjöldabólusetningar hófust,“ sagði Makis.
Kanadísku læknasamtökin halda úti minningarsíðu yfir lækna þeirra sem hafa látist og má finna hér.
Á heimasíðu Makis á GETTR er hægt að lesa bréf hans og sjá myndir af þeim 80 læknum sem hafa látist síðan 21. desember 2020 og til dagsins í dag.
Á þessu súluriti má sjá aukningu á fjölda dauðsfalla kanadískra lækna 2019-2022. Athuga þarf að enn eru um 3 mánuðir eftir af þessu ári og því líklegt að dauðsföllin verði fleiri 2022 en þarna sýnir. En eins og Makis tekur fram í bréfi sínu til CMA hafa 4 læknar látist frá því að hann skrifaði samtökunum síðast bréf þann 3. september sl. vegna þessara óvæntu andláta.
Hér er einnig hægt að lesa um málið á Twitter