Hallur Hallsson skrifar:

Valerii Zaluzhnyi, nýskipaður hershöfðingi úkraínzka hersins ber hakakross í armbandi sínu. Þetta hefur vakið athygli víða um veröld nema auðvitað á Íslandi þar sem rúvízk ríkisþöggun er alltumvefjandi. Azov-nazistar voru teknir í úkrnazíska herinn síðla árs 2015 rúmu ári eftir blóðugt amerískt Coup d'Etat í Kænugarði þegar Evru Maiden varð vígvöllur og tugir óbreyttra borgara voru skotnir af leyniskyttum. Skriðdrekar þeirra flagga Nato fánum og hakakrossum.

 
Eftir valdaránið setti Barack Obama Joe Biden yfir málefni Úkraínu sem frægt er. Guttinn Hunter Biden var skipaður í stjórn olíufélagsins Burisma til að gera pabba að féþúfu. Saksóknari í Kænugarði hóf rannsókn. Biden hótaði að draga til baka 150 milljarða hernaðaraðstoð til Úkraínu nema saksóknarinn yrði rekinn. Allt er þetta skjalfest. 

Áður en styrjöldin í Úkraínu braust út voru vestrænir fjölmiðlar uppfullir af fréttum um nazisma í Úkraínu sem þeir tengdu við hvíta kynþáttahyggju. Úkraínskum nazisma var sópað undir teppi í kjölfari valdaráns Biden 2020.  Úkrnazistar hurfu af forsíðum falsmiðla. Stríð braust út, svokallað proxy-stríð þar sem úkraínsku blóði er úthellt í þágu útþenslu Nato, Ameríku og ESB. Nazistar eru proxyguttar Nato, Ameríku og Evrópu, blóði ungra úkraínubúa er fórnað á altari amerískrar heimsvaldastefnu. Hversu vont er það?

Mín afstaða til stríðsins í Úkraínu snýst ekki um stuðning við Rússa eða Vladimir Pútin. Alls ekki en hann er dáður af þjóð sinni með 60-70% fylgi. Rússar líta svo á að verið sé að frelsa Rússa í A-Úkraínu sem sætt hafa ofsóknum. Það þýðir ekki að allir séu ánægðir í Rússlandi, langur vegur frá. Skotið hefur verið á að allt að 30 milljónir Rússa myndi stjórnarandstöðu. Ég hins vegar er andvígur hrokafullri útþenslu Nato, Ameríku og litlu faglegu kjánanna í Brussel. Í 30 ár hefur útþensla einkennt pólitík Washington og Brussel.

Fyrir stríðið í Úkraínu sprengdu Ameríka og Nato sjö ríki múslima aftur á steinöld; milljónir féllu og milljónir eru á flótta, ferilskráin er skelfileg. Nú er röðin komin að Rússlandi til að tryggja ofurvald Ameríku á 21. öld. Svo það megi takast þarf að verja dollar sem heimsgjaldmiðil. Í raun er útflutningur Ameríku á dollar undirstaða amerískrar drottnunar. Þeir prenta dollar og selja pappírssniftin um allan heim á 150 krónur stykkið. Pútin með rúblu á gullfót, gnægð olíu og málma er álitinn ógn við Ameríku. Biden-stjórnin lítur á innflutning rússaolíu til Evrópu sem ógn við ofurvald Ameríku. Náin samskipti Þjóðverja við Rússa eru álitin ógn. Þess vegna hótaði Biden að sprengja Nordstream og skrúfa fyrir rússaolíu til Evrópu.„Það verður engin Nordstream,“ hótaði Biden í febrúar. Nordstream sprakk. Íslenskir ríkismiðlar á fjárfé þegja um hótanir Biden og kenna Rússum um. Hversu vont er það?

Proxystríð í Ameríku

Ameríka beitir Úkraínu í proxystríði sínu við Rússa sem jafnframt lamar Evrópu. Það er bábilja að Rússar séu að tapa. Fjögur héruð A-Úkraínu eru orðin hluti af Rússlandi eftir þjóðaratkvæðin, Krímskagi tryggður, líklega fylgja Kharkov og Oddessa. Með valdaráninu 2014 héldu Vesturlönd að þau væru með Rússland í köðlunum og Krímskagi væri vestrænn. Það var tálsýn. Í þriðja sinn á 200 árum tapa Vesturlönd stríði við Rússland. Úkraína endar landlukt smáríki. Rússland er í bandalagi við Kína, Indland, S-Kóreu, S-Afríku og S-Ameríku. Rúblan er í hæstu hæðum. Sól Vesturlanda er að hníga til viðar, Bandaríkin að missa stöðu sína sem ofurveldi, Evrópa er í sárum, Þýskalands bíður frostavetrar.

Eftir valdaránið 2014 hófst vopnvæðing úkraínska hersins og stríðið í A-Úkraínu braust út. Nato þjóðir tóku að sér að þjálfa úkraínska herinn. Með inngöngu Azov-nazista 2015 varð til Úkrnazía. Ég hef birt video af haturræðum John McCain heitins og Lindsey Graham með nazískum hermönnum fyrir utan Mariepol fyrir jól 2016. „Þið fáið alla dollara og öll vopn sem þið viljið,“ sögðu þeir. Úkrönsk stjórnvöld ofmátu vestrænan herstyrk. Úkraína er orku- og vatnslaus eftir árásir Rússa í kjölfari árásar á brúna til Krímskaga. Úkrnazíski herinn er nú svipur hjá sjón. Sex úkraínumenn hafa fallið fyrir hvern rússneskan, allt að 300 þúsund fallið og særst.

Vesturlönd hafa tapað stríðinu. Rússar geta gert það sem þeim sýnist. Getur verið að nú stefni Pútin á landamæri Rússlands líkt og þau voru fyrir griðasáttmála Hitlers og Stalín 1939? Kyiv Oblast verði líkt og á dögum Þorvalds víðförla hluti Kievan Rus; Úkraínu, Hvíta Rússlands og Rússlands. Pólland fái V-Úkraínu aftur og borgina Lyyv þar sem vinur minna Margeir Pétursson á banka.

Volodymyr Zelinzky hvetur Nato til að gera kjarnorkuárás á Rússland. Hann á víst athvarf í villum sínum í Flórída og Sviss með milljarða dollara. Pólverjar dreifa joði til varnar geislavirkni. Veröldin er á barmi kjarnorkustyrjaldar. Ráðherrar í ríkistjórn Íslands æsa fólk og hrópa á torgum að stríðið megi ekki tapast. Þeir og evrópskir ráðamenn elta það sem flóttakonan úr Demókrataflokknum Tulsi Gabbard kallar stríðsóða elítu demókrata í Washington – cabal of warmongers. Þetta fréttið þið ekki hjá ríkismiðlum sem þiggja ríkisfé.