Lyfjafyrirtækið Pfizer Inc. veitti upplýsingar um áætlanir sínar um að selja Covid-19 bóluefnið sem það þróaði með BioNTech SE á viðskiptamarkaði í Bandaríkjunum þar sem það sagðist reikna með að verðleggja skammtinn á $110 til $130 fyrir fullorðna. Wall Street Journal segir frá.

Bandaríska ríkið greiðir sem stendur um $30 fyrir hvern skammt til Pfizer og þýska samstarfsaðilans BioNTech SE.

Lyfjaframleiðandinn er enn að semja við tryggingafélög, en býst við að viðræðurnar muni leiða til verðs á þessu bili ($110 til $130), sagði Angela Lukin, starfsmaður hjá Pfizer, á fimmtudag.

Hún sagði að fyrirtækið ætlaði að dreifa bóluefninu í gegnum milliliði sem það notar venjulega fyrir varning sinn og muni einnig bjóða upp á afslátt af listaverði eins og það gerir venjulega. Fyrirtækið sagðist auk þess ætla að pakka bóluefninu í eins-skammta glös, frekar en fjölskammta sem notuð voru meðan á heimsfaraldrinum stóð.

Upplýsingarnar bera þess merki að undirbúningur sé hafinn fyrir breytingar yfir í hefðbundin markaðsviðskipti, frá ríkiskaupum bandarískra og annarra stjórnvalda á bóluefninu.

„Þegar við förum þessa leið, eru góðu fréttirnar þær að við höfum mikla reynslu á þessu sviði,“ sagði fröken Lukin, fulltrúi Pfizer í Bandaríkjunum.

Pfizer áætlaði að tekjur félagsins yrðu 32 milljarðar dollarar af COVID bóluefni sínu árið 2022 og 22 milljarðar dollarar af Covid lyfinu Paxlovid.

Covid-19 „bóluefni“ verða partur af reglubundnum bólusetningaáætlunum

Í gær samþykkti ráðgjafanefnd innan Sóttvarnarstofnunar Bandaríkjanna (CDC) að bæta Covid-19 bóluefnum við almenna bólusetningaáætlun barna og fullorðinna.

Hér útskýrir lögmaðurinn Robert F. Kennedy, Jr. að ef lyf er samþykkt varanlega fyrir börn þarf framleiðandi þess ekki að óttast að verða lögsóttur (eftir að neyðarleyfi til notkunar þess fellur niður) vegna skaða sem lyfið veldur, jafnvel þó það valdi fullorðnum skaða sem fengið hafa lyfið. Þess vegna séu lyfjarisarnir að fara á eftir börnunum.