Ástralska ríkisstjórnin gæti þurft að borga 77 milljónir dollara (AUD), eða um 7 milljarða ísl. kr. í bætur vegna C-19 „bóluefnanna“ á næsta ári, samkvæmt nýlega birtri áætlun þar í landi.
Á yfirstandandi fjárhagsári 2021-22 hefur Ástralska ríkisstjórnin aðeins greitt út um 135 milljónir ísl.kr. vegna tiltölulega fárra umsókna sem samþykktar hafa verið.
Þessi áætlun stjórnvalda hefur verið lögð fram þrátt fyrir þær hindranir sem til staðar eru fyrir fólk sem vill nálgast bæturnar. Þess eru dæmi að fólk hafi lent í miklum vanda og verið hafnað um bætur ef skaði þess fellur ekki undir fyrirfram viðurkennd skilyrði fyrir bótagreiðslum.
Þingmaður spyr hvers vegna bóluefni kosta ríkissjóð milljarða í bætur
Gerard Rennick, öldungadeildarþingmaður í Queensland, hefur sett spurningamerki við þennan skaða og sagt: „örugg bóluefni ættu ekki að leiða til 77 milljóna dollara í skaðabætur.“
„Upphæðin sem hefur verið greidd út til þessa er til skammar. Að fórnarlömb bóluefnanna hafi verið vanrækt svo lengi er bara skammarlegt,“ skrifaði hann á Facebook.
Til og með 16. október á þessu ári hafa áströlsk stjórnvöld fengið 136.523 tilkynningar um aukaverkanir vegna 63.807.197 skammta sem gefnir hafa verið. „Bóluefnin“ AstraZeneca, Novavax, Moderna og Pfizer hafa öll verið notuð í Ástralíu.
Stjórnvöld í Ástralíuaílu eru samstíga öðrum stjórnvöldum í heiminum í að reyna að hunsa sem lengst greiðslur til fórnarlamba hinna svonefndu C-19 „bóluefna.“
Sem dæmi þá höfðu japönsk yfirvöld í lok júlí aðeins samþykkt 820 bótakröfur vegna 3.680 umsókna. Í Kanada hafa aðeins átta kröfur verið samþykktar af 774 umsóknum. Bandaríkin og Ísland hafa gengið lang lengst í að hunsa borgara sína en þau hafa enn engar bætur greitt. Sjúkratrygginum Íslands hefur borist um 50 umsóknir og samþykkt fáeinar en ekkert greitt enn.