Auðkýfingarnir í World Economic Forum (WEF) ætla sér að endurhanna lífverur jarðar með genabreytingartækni. Þetta kemur fram í myndbandi auðkýfingasamtakanna þar sem alheimselítan er að hrósa sér af genabreytingartækni sinni og eins hvernig elítan ætlar sér að stjórna framtíð og þróun lífsins á jörðinni.

Í myndbandinu kemur það mjög skýrt fram að alheimselítan ætlar sér að taka yfir lífið sjálft á jörðinni með því endurskrifa lífskóðann (genauppbygginguna) þegar það hentar þeim og þeirra markmiðum. Þá staðfestir WEF í myndbandinu að mRNA COVID-19 tilraunaefnin, sem sögð voru bóluefni þrátt fyrir að eiga ekkert skylt við hefðbundin bóluefni, væri fyrsta stig alheimselítunnar í því að að breyta erfðamengi mannsins.

Í kafla myndbandsins sem ber heitið „Endurritun lífskóðans“ segir að „genabreytingartækni muni gera okkur kleift að endurhanna heilar lífverur. Þetta gæti aukið alla þætti tilveru okkar, allt frá heilsu manna... til efna, tísku og hagkerfis án úrgangs.“

Þá kemur fram í mynbandinu Amy Webb, prófessor við NYU Stern School of Business sem segir:

„Við erum að tala um að bæta líffræði og endurhanna lífverur í gagnlegum tilgangi. Það mun gera okkur kleift að breyta ekki bara erfðamengi heldur einnig og mikilvægast að skrifa nýjan kóða fyrir lífið. Við munum hafa skrifheimildir. Við sáum þegar eitthvað af þessu á þessu ári. COVID-19 bóluefni, nota hannaðan kóða í formi boðbera RNA (messenger RNA -mRNA)."

Í athugasemdum við myndbandið á Twitter segir einn: „þeir sögðu þetta örugglega ekki þegar verið var að dreifa þessu (mRNA efni) til fjöldans!” Annar segir: „þetta kallast Guð komplexar á sterum”. Sá þriðji segir: „þeir okkar sem voru kallaðir „samsæriskenningasmiðir“ hafa sagt þetta í meira en tvö ár. Við kynntum okkur mRNA til að sjá fyrir hvað það var upphaflega hannað. Niðurstöðurnar voru augljósar!”

Um auðkýfinganna í WEF mætti líklega segja „að margur verður af aurum api”.

Hér má sjá myndbandið: