Svisslendingar ætla að verða fyrstir til að veita sjúklingum um allan heim „öruggar blóðgjafir“ úr fólki sem ekki hefur verið sprautað með Covid-19 „bóluefnum“.
Fyrirtækið sem heitir Safe Blood Donation verður þar með fyrst til að veita þessa þjónustu. Félagið var stofnað á síðasta ári af svissneskum náttúrulækni, George Della Pietra, sem hefur það markmið að veita fólki um allan heim möguleika á að fá lífsnauðsynlegar blóðgjafir með blóði sem ekki hefur verið mengað með mRNA-sprautuefnum (sem eru auk þess ekki bóluefni heldur erfðabreytt líftæknilyf.)
Della Pietra stofnaði fyrirtækið eftir að byrjað var að gefa almenningi mRNA sprautuefni, nokkuð sem hefur leitt til ágreinings um allan heim um meðferð á blóði og blóðgjafir. Margir vilja ekki taka áhættuna og kjósa heldur að fá blóð sem ekki hefur verið sprautað þessum efnum í.
Í desember 2022 voru foreldrar á Nýja-Sjálandi tímabundið sviptir forræði yfir ungabarni sínu vegna þess að þeir vildu ekki að barnið sem þurfti að fara í hjartaaðgerð fengi „bólusett“ blóð.
Þá var einnig sagt frá því í desember að ungabarn í Bandaríkjunum hafi fengið blóðtappa og látist 24 dögum eftir blóðgjöf með „bólusettu“ blóði þrátt fyrir andstöðu foreldranna. Blóðtappinn var svo langur að hann náði frá vinstra hné til hjartans.
Della Pietra hefur haft samband við mikinn fjölda heilsugæslustöðva víðsvegar um Evrópu, en engin þeirra virðir „frelsi til að velja sér blóð“. Enn fremur hafa tugir heilsugæslustöðva sem Della Pietra hafði samband við neitað samstarfi við nýja fyrirtækið. Sumar þessara heilsugæslustöðva sýndu málinu skilning, en fullyrtu að þær vildu ekki vera nefndar á nafn af ótta við hefndaraðgerðir frá hinu almenna læknasamfélagi.
Stofnandinn benti enn fremur á að aðalmarkmið væri ekki að reka Safe Blood Donation sem blóðbanka, og sagði að það væri ekki mögulegt eins og er vegna lagalegra atriða, heldur væri tilgangurinn að starfa sem skjót tilvísunarþjónusta „til að para saman blóðgjafa og viðtakendur“ sem síðan eru sendir á heilsugæslustöð þar sem örugg blóðgjöf fer fram.
Fólk er einnig hvatt til að gerast blóðgjafar fyrir annað fólk sem leitar að „óbólusettum“ blóðgjöfum.
Það er enginn blóðbanki með mRNA-lausu blóði enn sem komið er, en Safe Blood Donation lýsti því yfir að þeir muni ekki gefast upp fyrr en þeir geti boðið upp á alheimsnet slíkra heilsugæslustöðva.
Della Pietra segir á heimasíðu samtakanna að um leið og Safe Blood Donation hefur fengið nægilega marga lækna sem geta sinnt flóknum þörfum þjónustuþega sem vilja ekki „bólusett“ blóð, auk þess að taka á móti umsóknum, taka við blóðgjöfum og framkvæma blóðgjafir, fer þjónustan af stað.
Fólk frá að minnsta kosti 16 löndum, þar á meðal Bandaríkjunum, Kanada, Ástralíu og nokkrum öðrum ríkjum í Vestur-Evrópu, Asíu og Afríku, hafa þegar skráð sig, annað hvort til að gefa blóð eða fá blóð sem ekki hefur verið sprautað í mRNA efnum.
Viðtalið við George Della Pietra um þjónustuna má sjá hér.
2 Comments on “Svisslendingar fyrstir til að bjóða „óbólusett“ blóð”
Þetta vantar okkur her á íslandi.
Hvað ætli sé langt í það ef ekki nú þegar orðið að þeir sem hafa af frjálsum vilja farið í þessar sprautur ljúgi til um það? Þegar heilaþvottinum frá ríki og fjölmiðlum fór að hætta því meira hefur fólk getað fundið upplýsingar sem hafa verið viljandi haldið frá heiminum í gegnum ritskoðun einkarekna fjölmiðla.
Ég veit ekki um marga persónulega sem fóru ekki í sprauturnar á sínum tíma þegar það var tískufyrirbrigði að fara í höllina og setja það á FB. Hvernig verður þetta þá með blóðgjafir í framtíðinni? Það þarf þá að screena hverja einustu blóðgjöf og afhverju ætti maður að treysta þessu fólki sem gerir það? Fyrir mér er heilbrigðiskerfið og allt fólkið þar ekki traustsins vert. Ef ég þarf að fara til læknis í framtíðinni þá þarf ég virkilega að halda ró minni því maðurinn sem ég er að tala við stóð ekki með fólkinu þegar sprautuherferðin fór á fullt.. Þegar þetta fólk átti að standa upp og segja eitthvað þá kaus það að halda kjafti.
Það hefur ekkert breyst. Engin hefur verið dregin til ábyrgðar og frekar þá er verið að ýta á okkur Covid 2. Annar sóttvarnalæknir í brúnni en það sést langar leiðir á hvaða vegferð sú manneskja er enda var hún skipuð en ekki kosin.