Töluvert hefur verið fjallað um áhrifavaldinn Andrew Tate undanfarið. Hann er nú í gæsluvarðhaldi í Rúmeníu ásamt bróður sínum, grunaður um mansal og nauðgun og lúxusbílar hans (og aðrar eignir) hafa verið gerðir upptækir. Svo virðist sem bresku samtökin Hope not Hate hafi staðið fyrir herferð gegn honum. Í ágúst í fyrra tilkynntu samtökin að þökk sé þeim þá hafi Tate verið útilokaður á You Tube, Tik Tok, Instagram, Facebook og Twitter.

Í pósti samtakanna segir að þau hafi fylgst með honum árum saman vegna tengsla hans við hægri öfgamenn, og þá einkum vegna tengsla við Tommy Robinson, en þeir Tate eru báðir frá bresku borginni Luton. Það var einmitt í framhaldi af heimildarmynd Tommy, Panodrama, þar sem hann sýndi með upptökum að Hope not Hate og fréttamaður BBC hefðu lagt á ráðin um að bera fé á fyrrum samstarfskonu hans og fá hana til að ásaka Tommy um kynferðisbrot gegn sér að Tommy og stuðningshópar hans voru útilokaðir frá öllum netmiðlum og Facebook hótaði meira að segja að loka á alla sem fjölluðu vinsamlega um hann.

Á heimasíðu Hope not Hate frá því í ágúst segir að enn sé mikið af efni frá Tate á netmiðlunum og þeir þurfi að gera meira til að hreinsa það burt. Það sé einnig rétt að Tate sé til vitnis um víðtækara kvenhatur í samfélaginu og að allir þurfi að gera meira til að berjast gegn eyðileggjandi áhrifum þess á samfélagið, það setji konur í verulega hættu. Þessi orð Hope not Hate virðast hrein hræsni. Kvenhatur öfgamúslimanna sem Tommy hefur barist gegn í fjölda ára hefur reynst mörgum breskum stúlkum mjög skaðlegt. Það þarf engan sérfræðing til að skilja að það skilur eftir ör á sál unglingsstúlkna að hafa verið gerðar að kynlífsþrælum og keyrðar þvers og kruss um landið í Uber bifreiðum til afnota fyrir hvern og einn er vill borga fyrir afnot af líkömum þeirra - og þurfa síðar að berjast við áfallastreituröskun og félagsmálayfirvöld til að fá að halda börnum sínum en baráttan gegn meintum hægri öfgamönnum hefur forgang hjá þeim.

Tate hefur sagt ýmislegt sem hefur farið fyrir brjóstið á fólki (og Hope not Hate), svo sem að konur séu eign karlmanna og rökstutt það með því að þær tækju upp nöfn karlanna við giftingu og einnig hefur hann sagt að konur beri vissa ábyrgð sé þeim nauðgað, fórnarlömb Weinstein hefðu getað valið að fórna framanum og konur sem fara einar heim með ókunnugum karlmönnum séu að taka mikla áhættu. Einnig ásakar Hope not Hate hann um rasisma og hómofóbíu. Skoðanir hans virðast því falla betur að hugmyndafræði íslam en nútímahugmyndafræði Vesturlandabúa.

Í október kom Tate því út úr skápnum sem múslimi undir leiðsögn vinar síns, og á myndum af honum á leið í fangelsið má greinilega sjá að hann heldur á ensk-arabískri útgáfu af Kóraninum. Þar mun hann fá staðfestingu á hugmyndum sínum um að konur eigi að lúta valdi karlmanna, dætur valdi feðra og eiginkonur valdi manna sinna. Á sumum fréttamiðlum, s.s. Insider og Yahoo, má sjá áhyggjur af því að nú þegar Tate hefur gert múslimi þá komi hann óorði á múslima með kvenhatri sínu. Já, einmitt! Hvernig er annars staða kvenna í Tyrklandi, því landi er talið er einna frjálslyndast múslimalanda?

Sjálfur segist Tate saklaus af öllum ákærum, þeir sem stjórni heiminum bak við tjöldin hafi gefið út veiðileyfi á sig og gjörspillt yfirvöld Rúmeníu hyggist nota tækifærið og hafa af sér allar eigur sínar. Aðkoma Hope not Hate styður þá fullyrðingu hans.

Nú þegar Tate hefur gerst múslimi þá tilheyrir hann minnihlutahópi og slíkir hópar njóta verndar gegn hatursorðræðu og rasisma í Bretlandi og víðar. Sú vernd hefur dugað "grooming" gengjunum í Bretlandi vel gegnum árin. Það er tæpast hægt að ásaka Tate um að þykjast vera múslimi. Í fyrsta lagi er nóg að fara með trúarjátninguna (Shahada) til að teljast múslimi, í öðru lagi falla margar skoðanir hans að viðteknum hugmyndum trúarinnar og í þriðja lagi hefur hann múslima sem leiðbeinenda. Með þessarri gjörð umbreytir Tate sér úr því að vera fulltrúi hvítra, kapítalískra, gagnkynhneigðra karlmanna (hópsins sem sagður er bera ábyrgð á öllu sem aflaga fer og hefur farið í heiminum) í fulltrúa kúgaðs og undirokaðs minnihlutahóps er þarf að búa við rasisma og íslamófóbíu þess hóps er hann tilheyrði áður.