Árlega ráðstefna World Economic Forum stendur nú yfir í bænum Davos í Sviss þar sem fjöldi milljarðamæringa og leiðtoga heims koma saman, auk framkvæmdastjóra, fjármálaráðherra, seðlabankastjóra, utanríkisráðherra, framkvæmdastjóra FBI, Chris Wray, o.fl. Allt að 5000 hermenn gæta gestanna.

Mikill fjöldi fjölmiðla er á staðnum og flestir fara þeir mjúkum höndum um milljarðamæringa og valdamenn og spyrja spurninga sem gestirnir svara með ánægju. Það er þó ekki hægt að segja um kanadísku blaðamennina frá Rebel News sem hittu forstjóra Pfizer, Albert Bourla, á förnum vegi í bænum og spurðu hann nokkurra spurninga sem hann svaraði ekki. Blaðamennirnir eltu hann dágóðan spöl og héldu áfram að spyrja þó að Bourla hafi engu svarað.

Blaðamennirnir spurðu Bourla meðal annars á hvaða tímapunkti hann hafi vitað að Pfizer „bóluefnið“ kæmi ekki í veg fyrir smit, hversu lengi hann hafi vitað það án þess að greina frá því. „Þú sagðir fryst að það væri 100% virkt, síðan 90% virkt, svo 80% og 70%...og nú vitum við að „bóluefnið“ stöðvar ekki smit, hvers vegna hélstu því leyndu, spurðu blaðamennirnir.“

Bourla sagði, „eigðu góðan dag“, „ég mun ekki eiga góðan dag þar til ég veit svarið“ sagði blaðamaðurinn. Annar blaðamaður spyr hann þá hvort það sé kominn tími á að hann biðji heimsbúa afsökunar og endurgreiði ríkjum sem settu offjár í óvirkt „bóluefni“. „Skammastu þín ekki fyrir það sem þú hefur gert síðustu tvö árin?...eða eru stoltur af því að hafa haft stórar fjárhæðir af fólki. Um hvað hugsarðu á einkaskútunni þinni, hefurðu áhyggjur af ábyrgð fyrirtækisins, eða hjartavöðvabólgu, hvað með skyndidauða, hvað viltu segja um unga menn sem detta niður úr hjartaáfalli daglega. Hvers vegna viltu ekki svara þessum einföldu spurningum?“

Bourla gekk óvart inn í horn og snérist aðeins og gekk svo lengra og áfram var hann spurður.  „Telurðu að það eigi að lögsækja þig fyrir glæpi, hvað hefurðu persónulega auðgast mikið af þessum „bóluefnum“... „hvað heldurðu að það þurfi margar örvunarsprautur til að þú verðir ánægður með tekjur þínar?“ Hvern varstu að hitta hér í Davos, hverjum hefurðu greitt þóknun, ertu undir rannsókn varðandi blekkjandi markaðssetningu? Ef maður kaupir vöru sem virkar ekki, þá fær maður endurgreitt, ætlarðu ekki að endurgreiða ríkjum sem hafa sett milljarða í þetta gagnslausa „bóluefni“ þitt?“

Áfram gekk Bourla og áfram spurðu blaðamennirnir: „ertu aðeins vanur fjölmiðlum sem eru meðvirkir, þannig að þú veist ekki hvernig þú átt að svara þessum spurningum.“

Þá var loks komið á leiðarenda og Bourla kominn í skjól frá kanadísku blaðamönnunum Rebel News.

Sjón eru sögu ríkari, hér má horfa á myndbandið á Twitter:

Sama dag fór Bourla í viðtal þar sem kjaftaði á honum hver tuska. Hann svaraði með ánægju að nú væri Pfizer að koma með „tvö fyrir eitt“ bóluefni á næstu mánuðum sem ætti að virka bæða á inflúensu og Covid. Um er að ræða nýju mRNA líftæknina, sem Covid „bóluefnin“ voru framleidd með.

Það viðtal má sjá hér: