Þau Sandra Björk Gunnarsdóttir og Már Valþórsson tóku til máls á Facebook-síðu Fréttarinnar varðandi Einar Örn Ásdísarson, sem var vísað úr vél Icelandair 30. desember sl frá Keflavík til Alicante á Spáni. Einar fékk enga skýringu á brottvísuninni.  Látið var að því liggja af starfsmönnum félagsins að Einar hefði verið of drukkinn en annað kom í ljós eftir að lögregla tók á honum áfengispróf og lítið áfengi mældist í blóði.

Sandra og Már eru par sem voru einnig í umræddu flugi. Þau höfðu rætt við Einar á flugvellinum á Loksins barnum og ákveðið að taka leigubíl saman þegar til Alicante væri komið. 

Parið er nokkuð harðort í garð Icelandair og vill vara fólk við að fljúga með félaginu og fullyrðir að Einar hafi fengið ósanngjarna og illskeytta meðferð. Þau segja Einar ekki hafa verið drukkinn og ekki sýnt af sér neina hegðun sem réttlætti brottvísun úr vélinni. Þau segja Einar sérlega kurteisan mann sem líður vel með að hrósa fólki. „Það er fallegt og gott mál sem allir ættu að taka sér til fyrirmyndar,“ segir parið. Sandra og Már spyrja sig jafnframt að því hvort um hreina fordóma sé að ræða, þar sem Einar er einhentur og með húðflúr á hálsi. „Það var ekkert í fari eða hegðun Einars sem réttlæti meðferð Icelandair,“ segir parið.

Yfirlýsing þeirra Söndru og Más eru í heild svohljóðandi:

Okkur langar að segja nkl. frá þessu ömurlega atviki þar sem tekið er screenshot af svari okkar hér sem er sjálfsagt en sem er inniheldur bara brot af þessu atviki.

Við sátum við borð með Einari à Loksins bar fyrir flugið þar sem hann drekkur 2 bjóra, það er allt og sumt, enda mældi löggan 0.6 prómill sem passar vid 2 bjóra, og drengurinn svo langt langt langt í frá að vera svo mikið sem kenndur hvað þá drukkinn, Einar er virkilega kurteis maður sem líður vel með ad hrósa öðrum sem honum finnst eiga það skilið sem er bara fallegt og gott mál sem allir ættu að taka sér til fyrirmyndar. Við erum vitni að því þegar starfsmaður segir honum í þrígang að yfirgefa vélina þar sem hann sé of fullur, og maðurinn minn kallaði tvisvar á starfsmanninn til ad spyrja hvernig í ósköpunum hann fengi það út að Einar væri of fullur fyrir flugið. Starfsmaðurinn svaraði honum engu og sagði þá við Einar, þú skalt yfirgefa vélina núna því það væri búið ad taka ákvörðun annars yrði kallað á lögregluna, Einar var edrú, salla rólegur og mjög kurteis allan tímann frá því hann labbaði um borð í vélina og þar til hann yfirgaf hana. Aldrei vottur á veseni né neinu af neinum toga hjá honum. Fordómar Íslendinga eru hreint út sagt viðbjóðslegir og hef ég varað alla í kringum okkur við flugfélaginu Icelandair, að fljúga með þeim eða hafa nein viðskipti við þá. Fordómar vegna þess að hann missir aðra hendina og eða af því að hann er með tattú à hálsinum, ég er með tattú báðum megin á hálsinum hvers vegna var mér ekki vísað út líka? Maður spyr sig.. enn allavega að þá held ég að fólk hér sem er að búa til að hann hafi drukkið of mikið og hafi verið fullur ættu að loka þverrifunni á sér og hætta að búa til og hreinlega ljúga upp á hann í þessari ósanngjörnu meðferð sem hann fékk, algjörlega af tilefnislausu og snúa sér að öðru í lífinu. Við sitjum og stöndum með Einari alla leið í þessu máli þar sem við sáum og heyrðum allt frá A til Ö!! Ég hefði aldrei trúað að svona miklir og ljótir fordómar ásamt illri meðferð á fólki væri hreinlega til, enn jú hún er sko til og meira til, þetta er bara ömurlegt mál sem ég ætla rétt að vona að muni snúa Einari í hag, og það allan daginn og alltaf!

Sandra segir svo í samtali við blaðamann:  „Við vorum vitni að þessu öllu og elsku strákurinn gerði akkúrat ekkert rangt. Maðurinn minn kallaði à starfsmanninn til að segja honum að hann hafi ekkert gert, en það var ekki hlustað à hann. Við erum svo reið yfir þessu að það hálfa væri nóg fyrir hans hönd. Við stöndum með hönum alla leið og gerum allt sem við getum til að fá réttlæti í þetta mál fyrir Einars hönd. Sandra bætti því við að þau muni að sjálfsögðu bera vitni fyrir dómstólum, rati málið þangað.

Meira um málið má lesa hér.