Á meðan veiruhræddir heilbrigðir Íslendingar flykkjast í sýnatökur til að athuga hvort þeir séu örugglega ekki veikir, þá eru hræðilegir hlutir að eiga sér stað í Ástralíu og víðar.

Ástralía hefur innleitt einar hörðustu sóttvarnaraðgerðir og útgöngubönn í heiminum, og lögreglan handtekur fólk sem er ekki með grímur, og fólk sem sækir mótmæli gegn skyldubólusetningum og öllum þessum skelfilegu aðgerðum.

Ástralía er gengin af göflunum

Sjá ennþá meira lögregluofbeldi hér.

Ástralía varar við því að óbólusettir muni þurfa að sæta algjörri félagslegri einangrun til frambúðar þegar útgöngubönnunum linnir.

Gladys Berejiklian forsætisráðherra hefur varað fólk á svæðinu sem er ekki bólusett við afleiðingunum af því þegar ríkið byrjar að opna aftur.

Frá og með 11. október, verður skipununum um að halda sig heima við aflétt um allt ríkið, og það færir okkur inn í nýjan áfanga á þeirri leið að skoða hvernig við erum að takast á við Covid sagði hún.

Ég vil taka það skýrt fram svo það verði alveg á hreinu frá 11. október, vegna þess að það mun meira snúast um að einstaklingar sem eru fullbólusettir njóti frelsis.

Jahá, það var nefnilega það!

Frú Berejiklian hefur nú neyðst til að segja af sér vegna spillingarmála.

Sjá ítarlegri umfjöllun hér.

Meira lögregluofbeldi í Ástralíu

Byggingaverkamönnum í Victoria fylki var sagt af verkalýðsfélaginu sínu að þeir yrðu neyddir til að láta sprauta sig gegn pestinni, annars myndu þeir eiga á hættu að vera reknir.

Sjá umfjöllun og nokkur vídeó hér.

Ástralska hugsanalögreglan fer á stjá

Bara svona til að tékka vinsamlega á hvort fólk ætli sér nokkuð á mótmæli gegn stjórnvöldum.

Við munum aldrei snúa tilbaka til eðlilegs lífs

Ekki hefja nein samtöl við fólk, verið áfram hrædd við veirufjandann og fáið ykkur allar framtíðar "örvunar" sprauturnar... Haldið bara áfram að hlýða!

Ástralía er ekki lengur frjálst land

Mótmæli eru bönnuð, og þú getur átt von á $5.500 sekt ef þú brýtur lögin.

Sturlun í Ástralíu

Stjórnvöld í suður Ástralíu eru að prufukeyra kerfi sem gæti krafist þess að manneskja taki mynd af sér með þar til gerðu appi frá þeim og sendi innan 15 mínútna til að sannreyna hvar hún sé stödd. Ef hún hlýðir ekki mun hún sæta lögreglurannsókn.

Spilling í Ástralíu - og alls staðar

Þegar hitna fer undir rassinum á "strengjabrúðunum", þá er þeim bara skipt út fyrir nýjar.

En þrátt fyrir skelfilegt ofbeldi sem Ástralir verða fyrir núna, þá eru margir nógu hugrakkir til að mótmæla lögregluríkinu sem Ástralía er orðin.

Sjá sláandi frásögn hér.

Hafiði séð margar umfjallanir um þetta í innlendum fjölmiðlum?

Ég reikna ekki með því, né heldur umfjallanir um það sem er að gerast í fleiri vestrænum löndum, þar sem sama "heimsfaraldurs" handritið er notað.

Ef fólk er ekki enn farið að fatta það, þá hefur allt þetta aldrei snúist um að vernda okkur gegn einhverri veiru.

Það er verið að svipta okkur öll frelsi og mannréttindum, öllum okkar veraldlegu eigum, fækka mannkyninu, og gera þau sem eftir lifa að mannlegum vélmennum með efnunum í þessum svokölluðu "bóluefnum".

Og vegna "loftslagsvárinnar" á að banna okkur að borða kjöt, og við eigum að gæða okkur á einhverju kjötlíki (smellið á linkinn, mjög góð grein!) sem er búið til í verksmiðjum úr guð má vita hvaða hráefnum (takk Bill Gates!), og svo verður okkur líka ætlað að fá nauðsynleg prótein með pödduáti.

Þetta eru ekki einu sinni nein leyndarmál, prófið bara að leita ykkur upplýsinga á öðrum leitarvélum og efnisveitum en Google og Youtube, sem banna allt efni sem passar ekki þessum eina leyfða málstað um einhvern ægilegan "drápsfaraldur" og undralyf sem eiga að bjarga mannkyninu úr honum.

Þau eru þegar búin að drepa að allra minnsta kosti tugþúsundir manns, og skaða margfalt fleiri fyrir lífstíð.

En það er ekki fjallað um það í þessum meginstraumsfjölmiðlum, frekar en um það sem er að gerast í Ástralíu.

Höfundur: Kristín Þormar